要靚定要正?主題卡生存之道

要靚定要正?主題卡生存之道

相關信用卡:

要靚定要正?主題卡生存之道

發表日期: 2013 年 12 月 30 日 更新日期: 2013 年 12 月 30 日 生活

作者:Lady C.

Lady C.放假無聊喺屋企爬文,留意到好似越黎越多卡主唔滿意而家啲新卡設計,衰少少講就係唔靚又唔襟用,碌兩碌好似已經爛爛地,所以唔少人都會實用行先,揀鐘意嘅卡面設計在後……不過!Lady C.就認為魚與熊掌應可兼得,譬如話Hello MiMi卡、低達卡,袋住行街Shopping都開心啲!

本地果堆,多啦B夢Your Melody同FatMan都係大新出品,迎新送嘅禮品都係相關用品,想睇更多資料可以Click去信用卡一覽->大新銀行望。而我今次想講嘅係來自內地嘅佳麗:

One Piece x 招商


JCB再加銀聯,香港少見嘅組合(好似係)。而家好似仲有限量版通緝令卡面可以選擇,第一人氣嘅相信都係喬巴喇掛?(其實背後又有字,好似都幾花)

櫻桃小丸子 x 招商

小丸子係幾可愛,但大紅+粉紅呢個組合……少女又唔係,媽媽級又唔係,又冇迎新同特別優惠。嗯……Pass!

蠟筆小新 x 招商

官網個迎新仲停留喺2012年……無言。

魔獸世界 x 招商

新卡只要頭兩個月簽滿564人民幣就有正版(<<強調)魔獸公仔,仲可以儲分換點卡。宅仔宅女恩物?

Tom and Jerry x 招商

個名就改得幾得意—「最愛芝士卡」、「春風得意卡」。FF大老闆請全公司食飯時講句「等我拎張最愛芝士卡出嚟找數」,Sosad。

麥兜 x 浦發

本地豬北望神洲,同小新一樣,張卡個迎新都係停留喺2012年。其實送果把防UV傘都幾靚幾實用丫……

Barbie x 建行

迎新禮品就好似冇,不過逢星期六時尚消費(包美容、睇戲、健身、食飯、百貨)都有雙倍分,以主題卡提供嘅優惠嚟講,算係咁。

變型金剛 x 建行

真心,官網都張卡都設計得唔差,但資料仲衰過小新同麥兜,時光倒流返2011年……

花仙子 x 光大

其實我唔太肯定花仙子等唔等於小甜甜。迎新方面,今次仲穿越返2009年。至於官網寫張卡有神奇功能……出得卡唔係都應該成咗年?仲信呢啲咁童話色彩濃厚嘅嘢?