裝寬頻同捆新世代遊戲機

對於部分男士嚟講，打機係佢哋生命中好重要嘅一環 (包括我)，有時放假寧願全日坐喺電視前面打足一日機，女朋友約出街都唔願出，所以有人話遊戲機係女士最大嘅情敵，呢句說話都幾中。

雖然人大咗，有好多嘢要兼顧，唔似得以前細個一放學返到屋企秒速做完功課乜都唔理就開機，不過我仍然好享受打機嘅樂趣。由以前單機年代，雙打要去朋友屋企，打到而家玩Online game，連線一齊打，有人話咁樣令到人與人之間會變得疏離，我又唔覺喎，間唔中一齊Online打機，有個咪係度傾偈夾戰術嘻嘻哈哈，同傾電話差不多，感覺仲Close咗，好過平時好日都唔見一次。

要連線同朋友一齊打，自然要有寬頻，而家新客戶裝香港寬頻，100M計劃交$288月費，會包埋Xbox One《FIFA 15》同捆套裝 ($3,380) 加12個月Xbox Live金會員訂閱卡($368)，計返100M計劃本來月費最平$158 (當然，同「街霸」Sales傾返嚟嘅優惠Plan另計)，簽24個月約，即係用$3,120買機同金會員會藉，慳咗$628。用信用卡 (Visa或MasterCard) 預繳$1,800，就可以拎機。