血拼新年@港九新界掃商場

血拼新年@港九新界掃商場

相關信用卡:

血拼新年@港九新界掃商場

發表日期: 2014 年 01 月 25 日 更新日期: 2014 年 01 月 25 日 購物

作者:Lady C.

好羨慕啲酒肉朋友新年可以團拜一兩個鐘,再返屋企訓一兩個鐘,再上網睇吓一兩個鐘,加埋食飯去洗手間啲時間,無無聊聊咁就一日。Lady C.我有個大家族,團拜完仲要上表姑姐、八姨婆、六舅父屋企竹戰食飯,想抽啲時間去行吓商場,享受吓新年添新裝嘅樂趣都Noway!好啦,我都知我唔可以咁自私,我冇得去血拼唔代表唔搵著數,一於……先去集團表先講!




港島區
方面,ifc x 銀聯個優惠幾好,去食肆簽滿$500就送張$50商場禮券。唔一定要去國金軒、利苑酒家食飯果啲簽賬先計,因為好似去GODIVA、petite
Amanda、YOKU MOKU等商戶買精緻西餅買朱古力買雪茄蛋卷都得。特別一提,
DRESSED-SALADS WITH STYLE本身仲有商戶優惠,日日嗌減肥嘅姊妹們,正唔正先?



至於有儲開里數嘅朋友,就要留意Lee Gardens集團商場同美國運通嘅推廣喇!簽夠
$1,800就有$50禮券同3次抽獎機會,大獎係240,000里數
,夠飛去巴黎 + 大阪 + 倫敦 + 杜拜 + 墨爾本啦!不過Apple Store簽賬唔計,果農可以繼續冬眠……


跟住落嚟睇睇九龍區(好似電台報交通消息咁)。要實際回返現金唔要禮品就玩工銀 x apm 或者 渣打 x 海港城啦!計數出嚟就海港城抵玩少少,尤其係1月25日(即係今日)同2月14日去碌,平均$7就回到$1!行吓行吓去到The One,$300簽賬就換到:CHOCOOLATE x BABY MILO®潮嘢,簽大額啲就有現金券回贈,常於尖沙咀出沒嘅
fd子,真係袋定張信用卡好!





新界區方面,Lady C.覺得荃灣廣場個送「聾貓」限量版全盒推廣真係幾吸引又應節,只係要簽夠$2,500就有少少麻煩。仲有,唔知大家琴晚有冇睇電視?新聞時段播果套
3D金蝶賀年利是封係恆基兆業商場送架!我都覺得呢套封特別,之但係要成千蚊簽賬去換,值唔值就真係……見仁見智囉!



我都知我羅列唔哂所有商場優惠>_<,希望大家多多包涵。至於咁多個優惠當中,Lady C.我個人最有Feel嘅……唔使再講匯豐最紅冬日賞(新城市廣場/時代廣場)啦可?特別係去萬寧又多咗獎賞錢……嗚呀,縮縮北行鳥。點解我等了又等都未收到匯豐寄預先批核信用卡封信俾我?