香港虛擬銀行發展繼續有好消息流出,又一間虛擬銀行宣布試業。WeLab Bank(匯立銀行)公佈,2020年4月28日起會喺輪候名單、WeLab員工以及他們的親友中邀請約2,000位用戶參與試業,率先體驗WeLab Bank的服務。已知有兩大賣點,包括推出無卡號Debit Card以及提供GoSave定期存款服務,客戶最高可以享受高達 4.5%年利率。
WeLab致力以革新科技改善生活,而WeLab Bank將以三個 「I」 —— 即刻(Instant)、智能 (Intelligent)、互動(Interactive)為核心理念,利用人工智能、大數據及機器學習等領先金融科技技術,致力於為香港市民帶來隨時隨地嘅創新銀行服務體驗。
GoSave係個定期存款全新概念,客戶可以更好掌控自己的理財路線。客戶可與家人、朋友或其他WeLab Bank 客戶一齊儲蓄,一齊加入GoSave,從而提高存款利率。只要同期間加入GoSave嘅人愈多,大家一齊可以享有嘅利率就愈高!客戶可以享受最高 4.5%年利率,最高可存10萬元,存期為3個月,即3個月最多賺到1125蚊利息。
客戶亦可享靈活自主,可以隨時提走存款而無需額外費用,亦可以選擇到期後獲得全額利息。
開立WeLab Bank戶口,會得到張無卡號WeLab Debit Card。只需一卡在手,客戶可在任何接受Mastercard商戶消費、享受Mastercard簽賬優惠。除咗消費,都可以用佢嚟去ATM提款,無論去全港JETCO自動櫃員機,或者接受Mastercard嘅CIRRUS 櫃員機都可以提取現金。
而此卡另一樣賣點係卡面無印到持卡人嘅戶口號碼同CVV安全碼,資料只係好安全咁儲存喺WeLab Bank手機app內。如果客戶遺失Debit Card,只需要喺手機app上簡單一按 “遺失卡” 就可立即暫停所有交易,而無需再致電熱線報失咁麻煩。
配合先進 A.I. 系統,WeLab Bank聲稱佢哋開立銀行戶口最快紀錄可以2分38秒完成,仲快過沖個杯麵。
開戶時,只需要符合以下要求: