蘭桂坊音樂啤酒節玩番晚!仲有信用卡優惠

蘭桂坊音樂啤酒節玩番晚!仲有信用卡優惠

相關信用卡:

蘭桂坊音樂啤酒節玩番晚!仲有信用卡優惠

發表日期: 2016 年 07 月 27 日 更新日期: 2016 年 07 月 27 日 優惠攻略生活

作者:Yvone 二方

想同一班朋友出去chill吓飲吓酒食吓嘢,不如考慮吓今個星期六日去蘭桂坊行番轉,事關蘭桂坊今個星期六日會有音樂啤酒節,有啤酒、小食、遊戲同埋音樂,同一班朋友落去玩一定可以盡興而返!

來緊嘅星期六及日(7月30日至7月31日)喺蘭桂坊會舉行音樂啤酒節2016,舊年錯過咗嘅朋友今年唔好再錯過喇!到時成個蘭桂坊會變成大型嘅啤酒釀製專區,真係影相嘅好地方,因為到時會展出釀酒桶、水箱、水管同埋手堆車,而且仲會有2位身穿五十年代服飾嘅模特兒,夠晒氣氛。

話明係音樂啤酒節,梗係唔少得音樂啦!有Bamboo Star、Hey Joe Trio 及 Shaolin Fez 等勁旅嘅 22 個樂隊演奏唔同風格嘅音樂,一定可以令全場氣氛high爆!


▲Bamboo Star,演出時間:7月31日(星期日)9:30PM Stage1


▲Hey Joe Trio,演出時間:7月30日(星期六)9:15PM Stage1


▲Shaolin Fez,演出時間:7月31日(星期日)7:00PM Stage1

主角又點會少咗啤酒同嘢食呢?今次音樂啤酒節匯聚咗100款啤酒,真係可以話係來自世界各地,有來自美國、奧地利、 比利時、丹麥、英國、法國、德國、意大利、日本、墨西哥、荷蘭、菲律賓、新加坡及 泰國嘅手工啤,亦有本地嘅品牌好似Gweilo(鬼佬) Beers、Mak’s Brewery(麥氏釀酒)及 HK Beer Company(香港啤酒)。話明係啤酒節,啲啤酒又點會咁普普通通,想試吓特別味道嘅啤酒,咁就要過來喇!到時會有橘子、杞子、蜜糖、及咖啡味啤酒,可以滿足你貪心嘅味蕾!

食物當然唔少得香口嘢,有棒棒雞、四川香辣花生、韓式蔬菜壽司、日式章魚 丸、本地手工製雪糕三文治、炸墨魚丸及蝦多士等。價錢亦算親民,只係$20起。到時亦會有唔同嘅互動遊戲同埋活動,自問大食嘅仲可以挑戰吓競食漢堡包、雪糕競食、麻辣薯條競食、啤酒競飲等等。除咗鬥大食,仲會有舞台表演,亦會有俾遊人參與到嘅互動遊戲。


▲係一展肌肉嘅好機會。


▲唔係下下都考大力嘅,呢個砌蘋果就要夠手定同細心喇!


喺大會入口處會有音樂啤酒節紀念品賣。美國運通卡會員購買紀念品套裝(別注版啤酒杯及 T 恤)可享八折優惠;並且在蘭桂坊內 40 家酒吧食肆享受 主菜買二送一優惠;自選菜式及飲品九折或八五折優惠;或消費在港幣 300 元或以上免費獲贈生啤。喺一啲熱門嘅蒲點例如Bungalow、Zentral以及Magnum都有做緊優惠。


方便大家睇,同大家整理咗個table:

*消費滿$300以上

詳情可以去番〈呢度〉睇。

蘭桂坊最近都多咗唔少新舖,包括Bloop Shisha Lounge、Crab Noodles、Jinjuu、 MINE、Orange Tree 及 Porterhouse By Laris等等 。其中Orange Tree都可以享有美國運通卡嘅優惠,有番9折。

Orange Tree喺香港已經超過17年,只前喺SOHO區,依家搬咗過來蘭桂坊。佢係食荷蘭以及歐洲菜,有興趣嘅朋友可以留意吓。


Crab Noodles睇來亦甚有特色,餐廳以蟹作為主題,將蟹加入港式粉麵度,有蟹肉泡飯同埋蟹粥。佢嘅蟹粥成隻蟹上真係好霸氣!而且價錢都親民,以後去蘭桂坊又多一個食嘢嘅選擇喇!


而Bloop Shisha Lounge又點只水煙咁簡單,呢度有鯊魚缸,大家可以同鯊魚一齊飲酒食水煙。


MINE就係字面上嘅意思,間bar係以礦場為主題,都幾有feel㗎!


依家去音樂啤酒節網站預先登記,仲可以拎到免費嘅雪條或者爆谷。
唔好諗咁多啦!今個星期六日一於約埋班朋友一齊去感受吓氣氛啦!

蘭桂坊音樂啤酒節
日期:7月30日及31日(星期六-日)
時間:下午1時至深夜
網址:http://www.lankwaifong.com/beerfest2016/