「荔園Super Summer 2015」 全攻略

「荔園Super Summer 2015」 全攻略

相關信用卡:

「荔園Super Summer 2015」 全攻略

發表日期: 2015 年 06 月 30 日 更新日期: 2015 年 06 月 30 日 生活

作者:Ruby Lo

荔園 --- 相信係好多香港人嘅集體回憶,我細個都未去過佢就無左,不過今年終於返嚟喇 !  之前去咗玩,我覺得入面都算多野玩但係有部份都唔平,不過「豐儉由人」,去之前做定功課就唔怕中伏。就等我帶大家一齊入去做返日大細路喇 !

日期: 2015年6月26日 至9月初
地址: 中環龍和道九號中環海濱活動空間
開放時間: 11am-11pm
費用: 免費入場; 參與遊戲須購買代幣 (HK$10 = 1個代幣)
(接受現金、八達通 、EPS 、信用卡及銀聯)
- 快證套票
包括 :快證手帶兩條 , 40 個遊戲代幣 , 小禮物兩份。
價錢: HKD$680 (2人)
銷售處: 正門專屬窗口

望住地圖就唔怕搵唔到路喇! 出發 ~~~~~~~~~~~



荔園城堡
入口處嘅荔園城堡就係第一個必影位,用返昔日荔園城堡設計,睡公主城堡我就去得多, 荔園城堡就真係第一次。

呢個位自拍打卡無得輸 !
吸蕉大笨象-  (1個代幣)
呢隻有4米高嘅大笨象叫TINO,TINO哥雖然唔係真嘅大笨象不過佢個口都識自動開合,比人餵香蕉,食完仲會噴水!

TINO真係好大隻啊 !!!!!!!!!!我覺得都幾好笑 ,1個代幣就有一大籃都算抵玩。

滑稽恐龍屋-  (成人4個代幣,六歲或以下小童2個)
恐龍屋其實係「瀡滑梯」,有5米高,啱啲平時去公園想同小朋友爭滑梯玩嘅大細路去過足癮。

話就話五米高,不過幾秒就落返黎。不過要成四個代幣真係有啲貴,要用四十蚊換四秒快感。

魔靈小學-  (8個代幣)
其中一個重頭戲,就係呢間用香港鬼校做主題嘅鬼屋。呢間鬼屋個價錢一樣咁驚嚇,要成8個代幣即係HK$80 玩一次。鬼屋大細大概只係兩個貨櫃左右,我用左五分鐘都無就出嚟。

老老豆豆,我係天字第一號淆底獸,平時聽到鬼屋兩個字就腳軟。不過連我都覺得佢流流地就真係……因為入面只係好黑好黑同好黑,黑到路都揾唔到,主要靠聲效嚇人無咩人嚇你,係自己嚇自己!!

夏日溜冰場 (5個代幣)
要消暑可以去溜冰,仲有4款動物造型嘅溜冰輔助器,包括長頸鹿、馬、老虎和大象。

淘氣小木馬 -  (4個代幣)
最啱一家大細同情侶一齊玩 ,影下相都幾好。

我覺得我淘氣過隻小木馬,哈哈哈哈。


盞鬼碰碰車- (十三歲或以上6個代幣;八至十二歲3個)
設有12架碰碰車,車身充滿古典味道,大家可以係場內橫衝直撞,享受刺激。我呢啲車神就係時侯大展身手。

快樂叮叮船 - (成人4個代幣,六歲或以下小童2個)
叮叮船係當年好多人嘅影相位,識影一定係度影。

小露寶蛋糕
"小露寶黎喇,小露寶好野!" 為左慶祝荔園66周年呢度有66隻小露寶等緊你,比大家影到夠。
7 大必玩攤位

經典掟階磚 - (1個代幣)
講起荔園又點可以無掟階磚,點玩就唔洗我講。 不過用十蚊(可掟兩次)換香口膠係就唔算平,不過依家sell 集體回憶玩下都無妨。

大力金剛棒- (2個代幣)
呢個係其中一個我覺得好好玩嘅攤位,大大力打落去,打跌一層都有獎。

"漢堡包"比想像中重 ,女仔未必夠力,男士們可以借機Show off 下 。

我過左幾日再去,經過大家連日嘅大力金剛棒後"漢堡包"重傷了。

圈中小露寶-(3個代幣)
把圈完全套入小露寶就有獎,邊個眼界好可以去玩下。

小露寶真係好可愛,仲好記得細個嘅時侯小露寶成日都好黑仔拎唔到紅心標誌。

足球小將過3關-(3個代幣)
"攻呀攻 快搶攻~ 射呀射 射它吧" ,  係各位足球小將表演時間喇。六球中射中中間或者連成直線就有獎喇。

我踢波就唔多掂,入得一球,同戴志偉影下想就算喇。

我係小忌廉- (3個代幣)
戴志偉唔啱女仔口味仲有小忌廉,玩飛碟一樣要好眼界,入到就有獎,職員仲提我地打橫"飛"出去會比較容易入。

手榴彈擲鐵罐(2個代幣)
全部鐵罐打落就有獎,瞄準底部進攻可以增加勝算,可以講返句"其實唔難! "。

玩到夠場內仲有限定紀念品,有杯、康樂棋、tote bag等,樣樣都充滿懷舊感。

"交功課喇!" 校薄好有回到校園的味道。

玩到肚餓仲有"香港大排檔" 有唔同好野食。

不過想係"香港大排檔"食野就要買咗證先,我手上張"歡樂卡"係面值HK$200。

香港和興隆
西瓜盅 , 大:HK$60 小:HK$50
夏天行到一身汗,我就最鍾意呢個西瓜盅,消暑極品。

場內周圍都有代幣兌換處,識用一定係用信用卡買,因為可以儲積分啊! 我就用咗渣打信用卡買左二十個代幣用咗HK$200有200分,聽講依家到7月31日前透過HongKongCard申請渣打信用卡有HK$200禮券同埋迎新獎賞, 好似有Hideo Wakamatsu 行李箱同紅到爆嘅Le Creuset煲。真係手快有手慢無喇 !

最後送上夜晚嘅荔園,別有一番風味。