英鎊穿｢十算｣為賺錢的黃金大機遇!?

<高sir隨筆>:潮人一族, 對｢Paul Smith、Burberry、Mulberry｣都不會陌生, 這些在英國的本土品牌, 在英國｢脫歐｣後更引來關注, 吓! 仲講｢脫歐｣? 高sir係咪真係咁out冇野好講?

之所以又講｢脫歐｣, 其實想帶出匯價的問題, 英鎊在脫歐公投, 兌港元匯價更一度跌穿｢10算｣水平, 英鎊 - 曾經是一隻被譽為全球最穩定的貨幣投資之一,如今卻落入一隻比日圓更為不安穩的貨幣, 對於一向精明的香港人來說, 鎊匯不穩反而是借勢的賺錢機會, 不少打正旗號的英國老牌, 不單用料好, 手工高, 更因為匯價一跌, 變成好像｢打折｣一樣, 當然, 這些大品牌在香港這個購物天堂可以很容易買到, 但如果去開旅遊, 借英鎊打折而入番d平貨, why not?

筆者有一個朋友, 自英脫歐後就大講生意經, 仲緊埋英超!? 對, 英鎊跌又關英超事, 事關香港人踢波雖然屎, 但論熱愛足球的程度, 並不比其它國家弱, 更不知道是否因為多年的殖民地關係, 對｢英國隊｣和｢英超聯｣好像中了降頭一樣, 不知何故帶著一份濃厚的感情, ｢識波｣之人都知道, 睇進攻, 睇球星應該要睇西班牙,睇防守便是意大利, 講到個人技術, 點都係睇南美波, 但偏偏香港人就係鐘意英超. 英鎊一跌, 其球會所出的相關精品, 球衣, 甚至季度門票, 一律就是打了一個折價, 筆者老友慧眼, 英鎊一跌便購入一大堆英超球會相關的精品和球衣, 賺了一大筆!

本週, 全球焦點都落在一個名為｢耶倫｣的女人身上, 美國加息或否, 對全球股市, 至匯價都有不同程度的影響, 美國一旦落實再度加息, 資金流入美金, 本來積弱的英鎊就多得美國佬唔少, 英鎊近日只能勉強守著｢10算｣這個關口, 一旦跌穿,必定會觸動市場上投資者的神經, 如果英鎊被大幅拋售, 或許對英經濟帶來前所未有的衝擊, 這一回, 不單有利港人到當地旅遊、升學, 甚至連房產也可能會吸引到港人眼光, 十年難得一見的倫敦天價豪宅可能大跌價, 房產的爆破意味著整個

國家經濟陥入困境, 但有危便有機, 英國的太陽仍舊高照, 日不落的帝國只是會暫時褪色, 但傳統的帝國不會因為這一場脫歐鬧劇而解散, 陰霾過後, 英鎊自可反彈, 倫敦的景色便可變回以往一樣.

下次去英國旅遊時,除了參觀泰晤士河、大笨鐘外,不妨花一點時間多進行實地觀察,或許是另一個黃金的賺錢機遇!