【自願醫保比較】選擇高性價比嘅自願醫保計劃
【自願醫保比較】選擇高性價比嘅自願醫保計劃
相關信用卡:

【自願醫保比較】選擇高性價比嘅自願醫保計劃

發表日期: 2022 年 02 月 22 日 更新日期: 2022 年 03 月 24 日 優惠攻略生活醫療保險自願醫保
作者:編輯部

市面上咁多種類嘅醫療保險,點解要買自願醫保?本文為你解構自願醫保同傳統醫療保嘅分別,同埋幫大家比較唔同保險公司嘅自願醫保計劃,讓大家以最少保費,換來適合自己嘅保障!

保柏非凡自願醫保計劃 三人同行半價 立即投保!

 

自願醫保 是甚麼?

面對醫療成本持續上升、公營醫療系統不勝負荷,以及團體醫療保障不足等問題,自願醫保計劃(Voluntary Health Insurance Scheme)喺2019年4月正式推出,主要目標有幾個,一來可以為市民提供多一個選擇, 透過住院保險而使用私營醫療服務。另外,對提升住院保險產品嘅保障水平有幫助。長遠希望減低公立醫院嘅壓力。而對市民來講,最重要係可以以負擔得起嘅價錢購買高透明度、有政府認可嘅私家醫院保險產品,唔需要依賴已逼爆嘅公立醫院。

保柏非凡自願醫保計劃 三人同行半價 立即投保!

 

解構自願醫保 VS 傳統醫保分別

自願醫保可扣稅 一家人投保慳更多!

自願醫保第一大好處,必定係自願醫保嘅保費可以扣稅,每年可用作稅項扣減嘅保費上限為每名受保人HK$8,000,加上受保人數不設上限,變相單人或家庭購買自願醫保,比起傳統醫保可以慳更多錢而得到相若甚至更多嘅保障!

但呢度要解釋一下HK$8,000扣稅額,好多人有誤解,以為即是每人買HK$8,000自願醫保就直接扣HK$8,000稅,並唔係咁。其實係一個上限嚟,計法係你支付嘅自願醫保保費(每名受保人上限HK$8,000),乘以你嘅稅率(累進稅率與標準稅率較低者),就係你可以扣減嘅金額。以下有單人同加埋家人嘅例子:

  • 單人支付HK$15,000自願醫保保費,稅率15%,可獲扣減金額為 HK$8,000(上限)X 15% = HK$1,200
  • 一家四口支付不同自願醫保保費(自己HK$6,000;太太HK$3,000;父親HK$10,000;兒子HK$2,000),稅率15%,可獲扣減金額為:
    • 自己:HK$6,000 X 15% = HK$900
    • 太太:HK$3,000X 15% = HK$450
    • 父親:HK$8,000(上限)X 15% = HK$1,200
    • 兒子:HK$2,000X 15% = HK$300
    • 總共:HK$2,850

保障涵蓋投保時未知的已有病症

一般住院保,通常唔包未知的已有病症,但自願醫保會包。點樣先算係投保前未知?簡單講,即是你投保當時並唔知道自己已經有嘅病,包括先天、後天,你係冇任何病徵,亦冇任何醫生或醫療報告同你講過你有嗰個病。你係有嗰個病,但你唔知道自己有,到投保後病發,自願醫保係會有保障,其實呢個優點係非常重要,尤其對於未發現嘅癌症同埋遺傳疾病。不過大家都要留意,唔係所有自願醫保都會即時涵蓋投保時未知的已有病症,部份會設有等候期。

保柏非凡自願醫保計劃 三人同行半價 立即投保!

 

自願醫保 點揀好?選擇自願醫保注意事項

要揀自願醫保,除咗保費之外,仲有好多細節要注意,以下為自願醫保揀選要點。

保柏非凡自願醫保計劃 三人同行半價 立即投保!

自願醫保 普通房vs半私家房vs私家房

部分自願醫保有提供高端醫保先有嘅半私家房和私家房!好似保柏非凡自願醫保計劃同信諾靈活計劃(優越)就有半私家房住喇。你問標準房同半私家房係唔係相差好遠?係,同房人數,半私家一般23人,標準房一般46人。

 

自願醫保 墊底費選項好重要 配合公司保險慳更多保費

除咗扣稅之外,自願醫保仲有更多方法降低保費。自付費(或稱墊底費)就係打工仔買自願醫保嘅絕招。簡單講墊底費即是保險公司賠償前,你需要負擔嘅費用。你會問:「吓?要自己畀錢都話好?」其實呢個費用可以唔需要你畀,如果你公司本身已有幫你買保險,就可以claim埋公司保險去支付墊底費,而你自己買嘅自願醫保保費就會平好多!墊底費未必愈高愈好,要睇你份公司保險claim到幾多,你揀自願醫保時,更需要注意墊底費有幾多個選擇,愈多選擇愈容易配合你轉工或者公司轉保險plan去作出最佳墊底費選擇。

另外,執筆之時,疫情仍然嚴峻,部分自願醫保係會連COVID-19都保。

以下為市面上6間保險公司自願醫保計劃墊底費選項,與及肺炎額外保障,以作參考:

保險計劃 墊底費 墊底費選項 肺炎額外保障
信諾靈活計劃(優越) 有,5種 HK$0/HK$15,000/HK$25,000/HK$50,000/HK$75,000 如不幸感染,相關的合資格住院或門診開支,
均可獲得賠償
保柏非凡自願醫保計劃 有,4種 HK$0/HK$12,000/HK$40,000/HK$80,000 如不幸感染,除咗會包住院同埋治療費用之外,
就連接種疫苗後出現副作用,都有保障。
保誠自願醫保 有,3種

HK$0/HK$20,000/HK$50,000

無註明

AXA安盛自願醫保 有,3種 HK$0/HK$20,000/HK$50,000 數碼遙距投保系統,協助客戶完成遙距
投保程序
AIA自願醫保計劃 有,3種 HK$0/HK$16,000/HK$25,000 無註明
宏利自願醫保計劃 有,3種 HK$0/HK$8,000/HK$22,800 無註明

 

自願醫保 保額要足夠cover你需要

揀任何保險都一樣,要考慮保額同保障範圍要足夠cover你嘅保障需要,然後保障範圍要夠闊,尤其係醫療保險,健康問題五花百門,能夠用相同保費買到更高保額同更多種類保障範圍一定唔會錯!除咗保額仲要留意保障範圍嘅細項,包括:外科醫生費、深切治療、訂明診斷成像檢測、化療、放射性治療、標靶治療、免疫治療等。

以下為市面上6間保險公司自願醫保計劃保障限額比較,以作參考:

保險計劃 每年保障限額 終身保障限額
保柏非凡自願醫保計劃 HK$4,000萬 不設上限
信諾靈活計劃(優越) HK$3,000萬 不設上限
保誠自願醫保 HK$1,200萬 HK$5,600萬
AXA安盛自願醫保 HK$2,000萬 HK$8,000萬
AIA自願醫保計劃 HK$1,000萬 HK$5,000萬
宏利自願醫保計劃 HK$800萬 HK$3,200萬

 

自願醫保 門診唔係間間包

唔少自願醫保標準計劃係唔包普通門診,簡單講如果你睇完醫生後唔使住院,通常都冇得保。但市面上係有自願醫保有充分嘅門診自選保障。下表為市面上6間保險公司自願醫保計劃門診保障範圍比較:

保險計劃 門診保障範圍
保柏非凡自願醫保計劃 特設門診精神科相關治療及臨床心理輔導保障,賠償包括精神、心理、情緒或行為症狀、認知障礙症(包括阿茲海默氏症)及帕金遜病等門診治療的費用。門診保障亦涵蓋其他項目,如普通科醫生、專科醫生、診斷成像及化驗、處方西藥、物理治療師、脊醫、中醫師、跌打醫師等。
保誠自願醫保 入院前及出院後門診診治、意外後門診及牙科治療
AXA安盛自願醫保 意外受傷急症門診治療、全額支付訂明非手術癌症治療及門診洗腎、入院前或出院後 / 日間手術前後的
門診護理
信諾靈活計劃(優越) 入院前及出院後門診護理、門診腎透析
AIA自願醫保計劃 意外急症門診治療全數賠償
宏利自願醫保計劃 門診附加保障,包括普通科、專科、中醫門診及跌打治療、特別檢驗、診斷影像等

 

自願醫保 入院前和出院後治療覆蓋

除住院外,入院前與出院後治療保障都應該要留意返,通常入院前後門診和急症賠償都有限次數,但也有部分自願醫保明顯保障較多,有無限次全數賠償。下表為市面上6間保險公司自願醫保計劃入院前和出院後治療覆蓋比較,以作參考:

保險計劃 入院前 出院後
保柏非凡自願醫保計劃 90日內無限次數全數賠償 365日內無限次數全數賠償
信諾靈活計劃(優越) 30日內無限次數全數賠償 90日內無限次數全數賠償
保誠自願醫保 最多1次門診全數賠償 90日內最多3次全數賠償
AXA安盛自願醫保 最多1次門診或急症診症 90日內最多3次跟進門診
AIA自願醫保計劃 30日內全數賠償 90日內全數賠償
宏利自願醫保計劃 最多1次門診或急症診症 90日內最多3次跟進門診

 

市場上有自願醫保更提供醫療卡

承接上段講門診保障,亦有自願醫保提供更完善醫療服務。揸住醫療卡就可以入院免按金、出院免找數,連指定門診都免繳費。呢類自願醫保唔止金錢保障,更加會為你提供方便,令你醫療過程更順利。

提到醫療網絡, 市面上唔少保險會全數豁免網絡醫生的費用, 揀嗰陣都要留意個醫療網絡覆蓋/服務範圍夠唔夠廣闊, 否則輕則每次睇醫生要補一百幾十,重則數千數萬。

部分自願醫保仲會包埋身體檢查,body check唔平,試諗下當一個人長期身體健康,年中最大醫療開支好可能就係body check,所以如果自願醫保可以包埋就梗係最好啦!

另外,精神科保障都好重要,下表為市面上6間保險公司自願醫保計劃醫療網絡、免費Body Check、精神科保障比較,以作參考:

保險計劃 醫療網絡 免費Body Check 精神科保障
保柏非凡自願醫保計劃 卓健、
保柏非凡特選服務供應商
每年1次

住院精神科治療可獲全數賠償

免費24小時情緒解碼熱線

信諾靈活計劃(優越) 信諾醫療網絡 每三年未曾
索償,1次
免費身體檢查

住院精神科治療全數賠償

保誠自願醫保 診療寶 住院精神科治療全數賠償
AXA安盛自願醫保 安盛特選醫療網絡 每年上限HK$3萬
AIA自願醫保計劃 AIA專科網絡 每年上限HK$4萬
宏利自願醫保計劃 宏利網絡診所 住院精神科治療全數賠償

保柏非凡自願醫保計劃 三人同行半價 立即投保!

本文章內容由 HongKongCard 提供並只供參考,不代表任何保險公司的立場,對任何人因使用或誤用任何信息或內容,或對其依賴而造成的任何損失或損害,不承擔任何責任。此文章內任何與保險公司產品相關的內容僅供參考及作教育用途,並未載有相關產品的所有條款,客戶應參閱相關產品網頁內詳細之條款及細則。