臨急抱佛腳!網購7折NIKE/ASOS聖誕禮物
臨急抱佛腳!網購7折NIKE/ASOS聖誕禮物
相關信用卡:

臨急抱佛腳!網購7折NIKE/ASOS聖誕禮物

發表日期: 2016 年 12 月 20 日 更新日期: 2016 年 12 月 20 日 購物
作者:emily man

聖誕節係小編一年之中最愛既節日,但同時亦係最令我頭痛既節日,因為--要揀禮物!唔止要揀比男/女朋友、屋企人,仲有朋友同事等,真心搲爆頭都未諗到送乜好...數數手指聖誕節仲有唔夠一個禮拜就到,揀禮物已經係迫在眉捷既任務,無得再拖!而如果你同小編一樣係主張臨急抱佛腳戰略既人,但又唔想出街求其買水杯、相架、鮮花朱古力等「史上最hea聖誕禮物」,不妨考慮以下online store,只要而家快手快腳,就可以坐定粒六等禮物係聖誕前送到!

christmas gift fashion的圖片搜尋結果

想送比親人或男女朋友,買潮物就最適合,因為好睇又實用,一對NIKE波鞋就實無死!最近NIKE官網就做緊聖誕限時精選,由即日起至12月25日期間,只要輸入discount code「XMAS16」,買兩件有8折、買3件或以上就有7折,買得越多就越抵,又多個藉口順便送番份禮物比自己...另外,只要買滿$599就可以免費送貨,順豐站自取24小時內送抵,送上門就48小時,而且仲有免費gift wrap同埋添加心意卡留言!對上一次NIKE官網做discount已經係上年6月,所以如果miss左今次想再有折扣好有可能要半年後,所以今次真係要把握機會啦!CLICK

識買一定係買Sock dart!

frozen色都靚呀喂~

7折後只需$419!

至於買比朋友或同事,則可以行偏向搞笑有創意既路線,當然都要實用啦!首選ASOS~

真皮,$300有找算係非常抵,送人亦好得體

身邊有個酒鬼朋友的話,買個flask比佢啱晒。

budget有限的話可以選擇呢種小玩意,恐龍+砌野相信都無男仔唔鍾意。

與其買水杯,買個Travel Mug其實更實用,做運動都可以用。

品味之選,似係「Homeless」會賣既款,但就唔會係呢個價錢。(約港幣$337)

送比女仔放accessories一流。(約港幣$96)

超可愛既Money Box,提示對方新一年要儲錢!(約港幣$77)

但留意番,想聖誕前送到的話最遲要係21號10am前落單,買夠$1,500港幣入番個code「EXPRESSHK」就可以包特快22號送到,唔係就要另加£25.2運費(約港幣$242),揀多幾樣野或同fd夾就最抵。另外留意番checkout時,一定要換番currency做英鎊先最抵,唔係用港幣的話係兌12,成條數會即刻貴左,千奇唔好咁傻豬!