股災對樓市有咩影響?

股災對樓市有咩影響?

相關信用卡:

股災對樓市有咩影響?

發表日期: 2015 年 07 月 30 日 更新日期: 2015 年 07 月 30 日 生活

作者:任以風

當大家在股災的傷春悲秋回過神來,除了想知幾時可以返家鄉,亦有人好期待可以影響樓市向下調整。

關於樓市與股市的關係主要有兩方面的理論,簡化來講第一個:股樓唇齒相依,炒起股就有錢買樓,股災就賣樓,套吐現避險也好,補倉也好。第二個:樓市可成資金避險碼頭,股炒唔掂就炒樓。


內地由5月開始樓市明顯回現,即使在股災後也是,是否代表第二個理論比較適用呢?未必,因為樓市表現通常有滯後,要看也該看八月數據,再者大陸官方對各個市場都有一定「幫助」,說服力有限。

至於香港,根據中原地產資料,7月13至19日(即7月8日大跌市後首個完整交易周) 大屋苑錄得7宗成交較對上一周跌22.2%,不過7月20至26日則急升114%錄得共15宗成交,並創4周新高。到底是市場已消化影響、影響未出現還是完全無影響呢?
未來一年一手樓市場焦點依然是九龍區,剛推出的「喜薈」和「向隅」銷情仍然相當好,反映現時訂價有追捧,九龍,特別是將軍澳區供應甚多,相信市區新盤「比市價低少少」的定價會維持落去。


由於多次所謂「辣招」其實將好多質素低(錢唔多學人炒樓)嘅炒家趕出市場,香港樓市靠用家(自用或放租)支持,是相當高質素的需求,目前未見到有大跌機會,或者美國息魔降臨先可以令樓市出現似樣少少嘅調整。

PS:近來出現好多不同型式嘅資助房屋,包括拒毒L於門外的「煥然壹居」。昨日《經濟一週》有篇報道話房協長沙灣喜漾,每呎建築成本4000至5000元,但「煥然壹居」要1.1萬元,而且咩都無,用料平庸,相對之下私樓點都會送少少嘢過你,抵唔抵真係見仁見智。