有感近排日、韓、西餐都食盡，係時候轉轉新口味！老娘係徵詢太后意見之後，選左位於北京道1號嘅上海小南國，為太后慶祝今年嘅媽媽節，貪佢景靚、服務好、品質高（雖然唔坐窗口位都有機會睇到維港景色，但係有得揀梗係預早book定啦！）雖則話老娘慫恿咗太后出張Compass Visa要碌夠數儲迎新，但係東亞卡個母親節優惠都好難以割捨——5月10及11日，憑東亞信用卡於全港食肆簽賬可享9X獎分，想提早慶祝又得，正日慶祝又得，得左！
香乾馬蘭頭 — 草香撲鼻，清新味蕾，不過孕婦慎服
椒鹽小元蹄 — 惹味多汁，味道不輸德國傳統咸豬手
清炒野生河蝦仁 — 爽口彈牙，配以龍井佐炒，帶出淡淡茶香
脆皮炸冰淇淋 — 外表似足腐皮卷，雙重口感，Double滿足 老娘私心推介：「香乾馬蘭頭」—係上海菜中經常見到嘅一款冷菜，主要由馬蘭頭同五香豆乾製成，非常考師傅刀工；「椒鹽小元蹄」—椒鹽惹味，但絲毫無搶到小元蹄嘅風頭，神奇之處在於經高溫油炸後，肉質仍然能夠保持鮮嫩，咬口非常Juicy，配埋啤酒無得彈；「清炒野生河蝦仁」—可選龍井或咸蛋其中一種做法，蝦仁爽口，絕非雪藏貨；「脆皮炸冰淇淋」—食番個透心涼嘅甜品作總結，用酥皮紙包住兩種唔同口味嘅雪糕，再炸至金黃色，食落口外酥內軟，冷熱交替，人間天堂！
老娘溫提：除左呢個東亞信用卡母親節獎賞之外，中銀同渣打都做緊上海小南國全年優惠，但緊記優惠不適用於母親節正日使用！