老娘的餐桌——穩
老娘的餐桌——穩
相關信用卡:

老娘的餐桌——穩

發表日期: 2014 年 07 月 15 日 更新日期: 2014 年 07 月 15 日 飲食
作者:Zero In On

一間餐廳最重要嘅,當然係食物質素、衛生同埋服務,價錢都係其次,食平食貴唔係重點,因為老娘相信「一分錢一分貨」,好小可會好似講波佬話齋「蔗渣價錢,燒鵝味道」。就好似好多團購,寫就寫到天花龍鳳,張相就影到靚靚,到你去到就發覺完全係另一回事。如果要少伏,都係去酒店Buffet穩陣。

不過而家去酒店食Buffet,閒閒地都3字頭起跳,同團購價的確差一截。好在酒店Buffet嘅信用卡優惠多過團購,例如馬哥孛羅香港酒店太子酒店同港威酒店如心酒店 更加係「三人同行,一人$10」。雖然一般優惠都未至於半價,但起碼食得安心,去到仲可以入去行個圈睇下食物賣相,同埋食客食完嘅面口先再決定食唔食,中伏機會都細啲。


睇清楚啲嘢啱唔啱食先入座。

食Buffet嚟嚟去去都係冷盤、熱葷、生蠔、燒牛肉、魚生之類嘅基本嘢,要搶客就要有多啲選擇。例如最近香港黃金海岸酒店就搞海鮮嘉年華,用唔同烹調手法炮製多款海鮮,例如大蝦血腥瑪莉 、芒果蝦球配黑松露醬、頭抽煎虎蝦、當中參巴醬魔鬼魚比較特別,通常喺新加坡或馬來西亞常見啲。而佢最煞食嘅係燒烤區,同埋位處泳池邊,氣氛唔錯。用VisaMasterCard都有折,當係幫補下揸車入去嘅油錢。

食埋Pool side view,不過夏天可能會熱啲。