老娘的餐桌——甜

熟知老娘脾性嘅朋友都知道，外表上老娘雖然係女強人，但骨子裡其實都不過係個女人仔，每個月總有幾日特別想發癲，特別想暴飲暴食。雖然講唔上嗜甜如命，但每當特別日子、被男人激親、被老闆欺壓果陣，如果可以食到一啖充滿人性嘅甜品，當下就猶如去到大草原咁，「呼，呢個世界真係美麗，啲空氣真係清新」，條氣頓時順番一半！

好在晨咁早上網做定research，本來weekend想同"背後嘅男人"嚟個大坑悠閒之旅，先去「炳記」食個豬扒麵，再落「black n white」攻甜品，但奈何心水甜品店卻只做外賣不設堂食，唯有轉戰大角咀分店。而家用Visa Signature食滿HK$250或以上，可獲贈免費朱古力禮品；食滿HK$500，埋單有9折。


老娘私心推介：招牌Sinking Island—又名消失的朱古力，老娘推介黑朱古力71%（店內仲有牛奶朱古力43%同白朱古力可供選擇），隨熱朱古力奉上一個由Chef精心炮製嘅朱古力雕花同迷你攪拌器，先將雕花放係熱飲上，雕花會隨住熱度而慢慢融化，當兩者融為一體，口感異常幼滑濃郁，非星爸爸可以媲美。

老娘溫提：另外一款想試嘅甜品係懷舊粒粒雪糕，純粹係為滿足兒時回憶，Chef為增加口感，更加入爆炸糖，甚有black n white特色，只可惜佢係期間限定！