老娘的餐桌——活

老娘的餐桌——活

相關信用卡:

老娘的餐桌——活

發表日期: 2014 年 04 月 04 日 更新日期: 2014 年 04 月 04 日 飲食

作者:Zero In On

大時大節,老娘從來都唔會去酒樓食節日套餐,水準keep唔到之餘仲分分鐘一肚氣!慶幸老娘與家中兩老口味相若,放題、自助餐、西餐、韓國菜無一不歡,要搵到啱我地一家大細嘅餐廳,其實唔難。

照舊上網搜尋熱店,近期排名第一果間叫「神虎拉麵」,可惜老娘唔好呢味野;轉而考慮最具人氣、最佳高消費餐廳都排第二嘅「The Market」;另一個選擇係姊妹們強烈推介,講左N年要去未去嘅「碗屋」,喂,成140個哈哈笑,唔敢伏我掛?

THE MARKET
星期一至四:HK$578、星期五至日及公眾假期:HK$628(另加一服務費)


碗屋
星期一至四:HK$458、星期五至日及公眾假期:HK$428(另加一服務費)

無論最後選擇「自助餐」或「放題」都好,被劏到一頸血是常識吧?老娘後悔冇早啲申請交通銀行信用卡,如果唔係可以食埋「假日10X獎賞積分推廣」!毋須登記,4月4-5日、4月17-21日同4月30日去本地邊間餐廳食飯都有10倍積分。如果唔想大時大節同人逼,4月內逢星期五、六、日都可以有3X獎賞積分,不過老娘數學麻麻,唔想計佢同匯豐6X「獎賞錢」或其他銀行信用卡優惠邊個抵啲,辛苦搵來志在食,食左先講啦!

老娘私心推介:「碗屋」放題—入座每位送一客牡丹蝦刺身或鮑魚,呢兩樣真係魚與熊掌,聽姊妹講牡丹蝦刺身鮮甜至極,汁煮鮑魚帶出淡淡酒香!另外此店出名刺身極新鮮,尤其吞拿魚,達粉紅色級別,係放題嚟講真係可遇不可求!

「The Market」自助餐—位於尖沙咀Hotel Icon,冷盤如蟹腳、龍蝦鉗、刺身、Parma Ham等應有盡有,不過老娘最想試係佢嘅甜品系列:「貓山王榴槤雪糕」—網上絲打話直頭好似食緊榴槤咁;「綠茶Mousse Cake」—濃香帶滑嘅綠茶口感,令人欲罷不能;雪糕方面有Movenpick,終於唔使下下食「哈根大師」咁悶!

老娘溫提:「The Market」出名難Book位,有興趣可以上佢地官網查詢最新嘅訂位情況!