老娘的餐桌——套

想食好嘢又要平，除咗用信用卡優惠之外，亦可以等餐廳自己做Promotion。而每年2月同7月，香港餐廳周都會有幾十間餐廳參與，可以用一個比較優惠嘅價錢，歎佢哋嘅Set Luch同Set Dinner。今年聽聞有八十幾間餐廳參加，佢哋分咗兩個Category，分別係套餐A (午餐$248 / 晚餐$438) 同埋套餐B (午餐$158 / 晚餐$328)，記得之前好似有$98午餐同$258晚餐，冇得平食喇。

每次香港餐廳周每間餐廳都要預訂，好多出名嘅餐廳都好快訂晒。今年香港餐廳周係8月1號至10號，7月28日下晝4點開始接受預訂，讚好佢哋個Facebook page可以拎預約碼，提早7月25日上晝10點優先預訂，如果有AE卡，就再早啲，而家開始訂。如果用AE卡簽賬，AE會捐$10俾香港紅十字會。

老娘溫提：喺香港餐廳周內去指定餐廳食指定套餐，用AE卡簽賬，可以免費有杯餐酒。