老娘的餐桌——五

如非必要，例如要換杯換公仔，或者趕工冇時間食飯，又或者附近冇乜選擇，老娘都盡量少食連鎖快餐店，因為啲食物普遍高熱量容易肥，炸雞薯條又熱氣，仲有就係某啲材料唔多新鮮，無厘味道。老娘並唔係話睇唔起連鎖快餐店，只係啲食物唔啱我口味啫。

老娘唔係大富大貴，又唔多鍾意食快餐，自然會留意多啲邊度有平靚正嘅好嘢食，同埋邊度有Discount。聽聞The Mira Hong Kong搞緊五週年慶典，做緊信用卡「5」重賞優惠，去WHISK、國金軒、Yamm、Room One等食飯飲嘢，用AE、VISA 、MasterCard或JCB埋單，只要信用卡號碼入面有一個「5」，就會有5%折扣，最多計4個「5」扣20%，即係8折，即搵下邊張卡多「5」先。

老娘溫提：呢個優惠做到8月17號，只限星期一至五，每次訂枱最多4位，打電話或Email去預訂時亦要講埋「Magnetic Five」呢個暗號，用呢個優惠。同埋如果諗住去歎埋餐酒香檳，就要問清楚，因為酒類未必包埋折扣。