老娘的教室—— 鬆

正所謂吊頸都要抖下氣，放假唔一定要等到Annual Leave一次過放，又或者連住長假期放，平時都可以星期四、五請兩日假，放下小週末。除咗留喺香港，三、四日都可以近近地去下中國、台灣、東南亞。既然講係抖氣，梗係要去啲Relax啲嘅地方Hea下，通常老娘都會揀去Resort，做下Spa。

聽聞Club Med最近喺珠海東澳島開咗新Resort，老娘見近近地，都想去試下。網上資料話，東澳島喺珠海東南面，上面有三個沙灘，當中以南沙湾最大最靚。食嗰方面，喺呢啲旅遊島上面，都係離唔開海鮮啦，睇落感覺有啲似南丫島。

南沙湾就喺下面。

居高臨下，房間有海景View。

而老娘嘅Focus，當然係入面L’Occitane主理嘅Spa，做下Treatment，按摩下鬆弛下。至於水上活動，浮潛、站立式獨木舟 (Paddle Board) 等等都好多選擇，不過曬就難免，唯有做足防曬啦。

做Spa最歎。

雖然Club Med一向都係貴，東亞做緊優惠，連續住3晚或以上，一截四人都有折，最低5折，都幾抵喎，睇下啲姐妹有冇時間Join埋一齊去先。