老娘的教室——香

香味同食物一樣，可以令人回到過去，有冇試過係街到聞到一浸香味，令你諗起童年往事？又或者遠處飄來EX身上慣有嘅香水味，令你怦然心動，心頭泛起陣陣漣漪？

Oops！打左個冷震，今日開場白是咪過份煽情？趕緊入正題！一講夏天，大家會諗起咩？老娘就諗到地鐵/巴士車廂人逼人，一個唔好彩，隔離企著個狐仙認真大鑊，最怕就係香水味夾雜狐味，寧願提早落車好過！

香水應該濃淡得宜，係一舉手一投足之間散發淡淡香氣，份外迷人。老娘真係好怕果啲，過份濃烈，方圓五百里外都仲聞到佢浸除嘅人......真係想同佢講句：唔係噴得多就係好嘅。今個夏天，除左護膚品，香水都應該要換一換季，女士們唔好再搽濃到死嘅香水喇，揀番充滿夏日氣息嘅香氛，等個人都Sharp醒啲！由即日起至6月30日，憑指定DBS信用卡到ISSEY MIYAKE可享有優惠。


老娘溫提：如果想香味持久，建議搭配同一種味道嘅沖涼液或Body Lotion，老娘曾經試過用同一種香味嘅洗頭水、護髮素、沖涼液同Body Lotion，當然呢個做法比較極端，但味道真係較齋用香水持久。