老娘的教室—— 祭
更新日期: 2014 年 07 月 11 日
去日本除咗飲飲食食、瘋狂Shopping，佢哋大大小小嘅祭典亦非常吸引，祭典多數係由廟宇或神社舉辦，原意都係祭祀神明同祈福，當中會有巡遊、祭祀儀式，好有傳統特色。而七、八月嘅七夕、盂蘭盆節，自然亦會有祭典，同時又係夏天，就演變出夏祭。有啲祭典會有廟會，日本人興著浴衣去玩，入面會有好多攤檔，有得食有得玩，例如成日喺動漫見到嘅撈金魚，夜晚亦會放煙花，真係趁墟咁熱鬧。不過，即使日本全年都有好多祭典，除非你去日本旅行時專登夾時間地點，否則都唔一定會撞正。
秋田竿燈祭係日本主要夏祭之一，啲人會頂住支掛滿燈籠嘅竹竿表演平衡功夫。
最近，尖沙咀The ONE搞咗個夏祭推廣活動，擺咗太鼓、小食亭、撈金魚檔等立體佈景，對老娘嚟講，本來就冇咩興趣，只係得啲佈景，又唔係真正祭典。不過，佢用大口仔 (Minna no Tabo) 做主題，放晒大口仔人物喺度，就真係開正老娘嗰瓣，因為大口仔正正係老娘心頭好，搞到老娘都想去影下相。
祭典場景。
除咗祭典場景，仲有其他節目，例如之前就搵咗鄭伊健做揭幕嘉賓，之後又會有官恩娜，同埋太鼓表演，最緊要梗係有得同真人扮，識郁嘅大口仔影相！而喺活動期間去The ONE Shopping滿$600或$1,000，用電子貨幣埋單，就可以換大口仔毛巾或萬用袋。
鄭伊健做揭幕嘉賓。
鄭伊健做揭幕嘉賓。
老娘溫提：呢個活動去到8月31號，而真人扮嘅大口仔出現時間主要係星期六，時間可以睇返官網。
HongKongCard 精選產品
渣打國泰Mastercard®
【里賞FanFest禮遇】由2025年12月1日起至12月31日期間，只要經HongKongCard成功申請渣打國泰Mastercard®可享：
- 免簽賬：HK$200 超市禮券 或 Apple Gift Card 或 HKTVmall購物禮券 或 cc.points^
- 免簽賬：5,000「亞洲萬里通」里數特別禮遇
- 全新信用卡客戶*揀里賞FanFest禮遇迎新~，首兩個月累積合資格簽賬滿HK$10,000享：
- 高達5,000「亞洲萬里通」里數（基本里數按簽賬類別計算）
- 交稅優惠HK$4＝1里數（高達20,000「亞洲萬里通」里數）
- 餐飲簽賬：HK$4＝1里數
^cc.point可以自由兌換不同禮券，例如：KKBOX／HKTVmall／Apple禮品卡等等。