老娘的教室——波

四年一度嘅世界盃今晚（6月13日）凌晨4點就開鑼，波都未踢，身邊唔少朋友都已經密謀點樣向公司爭取彈性上班時間，必要時最多射波唔返工咁話。計老娘話，睇波使乜去到咁盡。

老娘往年都會同班Friends落bar，成班圍威喂咁吹住水睇波，之但係今年踢凌晨波（香港時間計），朋友A驚落bar被老婆鬧、朋友B驚第朝成身煙酒味返唔到工，咁，倒不如成班落商場睇波啦！

踏入世盃月，各大商場陸續推出世界盃活動，唔少更設有大螢幕，免費直播64場賽事。聽聞apm仲提供埋早餐、淋浴、睡袋等設施，係商場睇波真係分分鐘慳埋冷氣費，氣氛仲好過係屋企！咁多間商場，老娘首選係奧海城，事關佢地今年裝設左430吋嘅巨型高清螢幕，係今晚賽事揭幕之前，仲可以用超大螢幕試玩PS4最新遊戲《FIFA 14》，啱晒鍾意打機嘅朋友。


除左睇波，老娘一早就係奧海城買埋父親節禮物，事關而家買滿$1,000，可以換番張VIP通行証，係比賽期間無限次使用，一邊睇波、一邊任飲任食，同落bar冇乜分別！

老娘溫提：想再嘆得豪啲？可以去屯門市廣場，消費滿$3,000（Facebook fans $2,000）可以坐係Osim上面睇波，鮑魚雞粥做早餐，再搵專人幫你燙埋衫、車埋你返工，不過真係貴左啲囉！