老娘的教室——影

老娘的教室——影

相關信用卡:

老娘的教室——影

發表日期: 2014 年 04 月 15 日 更新日期: 2014 年 04 月 15 日 購物

作者:Zero In On

嚟緊幾個月有唔少公眾假期,某啲節日前前後後攞多兩日假,足夠去一個「微旅行」。之但係要老娘俾雙倍甚至三倍價錢去一個旅行,一句講晒:No way!

Cine Times—全院使用真皮座椅,爽!

咁究竟香港人放假,除左行街、食飯、唱K,仲可以做乜?老娘訪問左幾個老死,不約而同答:「睇戲囉。」今時唔同往日,當你想出街,要冒住被喼碌過腳趾尾嘅風險、街頭行到街尾已經有三間卓記、五間藥房、七間金行,圍繞住自己嘅再唔係熟悉嘅廣東話,相信好多港人都仍然願意花幾十蚊買飛入場,係短短一兩個鐘頭入面,尋找屬於自己嘅空間,獲取片刻嘅寧靜。


吳孟達回歸香港影壇之作,真係好掛住三叔!

老娘亦都唔例外,講到睇戲,首選係UA MegaBox同Cine Times,前者人流少,後者新裝修,無論畫質同音響都大大提升,極盡視聽之娛;二、而家無論上網或者用App訂飛都好方便,交易完成之後,帶埋張卡去各UA戲院就可以攞飛;三、有東亞信用卡優先購票專櫃(各UA戲院都有),唔好話我虛榮心作祟,當你見到售票處排晒長龍,但你可以施施然咁行過去counter,當下感覺真係好似去HSBC Premier咁,贏晒。(東亞World萬事達卡8折、其他信用卡9折


以魔警徐步高為原型拍攝嘅電影

老娘私心推介:最近吸睛嘅港產片特別多,上緊畫嘅有《紅VAN》、《愛.尋.迷》,未上畫嘅有《魔警》、《香港仔》,坦白講老娘對後兩套比較期待,《香港仔》—充滿港人情懷,可以睇到97回歸前後嘅香港。《魔警》—出爐影帝同大眾男神同台鬥戲,淨係睇賤輝係預告果一抹奸笑,唔好意思,我冧左。

老娘溫提:無論網上、APP、電話購票都需要收手續費,每張大概係HK$8-HK$10不等,可以話係用錢買時間同腳骨力!