老娘的教室——娘

雖說老娘有位新潮太后，但佢老人家一直都對信用卡冇乜好感，擔心爭卡數、擔心先使未來錢、又擔心碌卡唔安全等等。所以每次見親老娘碌得咁開心，佢就多一份擔心……直到最近佢唔知睇左咩飲食節目，體驗到光波爐嘅美好，就開始成日問老娘點先可以至抵價買到呢件平靚正家電返黎，咁即係逼老娘出手……Search！

老娘對於生活用品要求高，一係唔買，買得都想要有個牌子，叫做有番咁上下品質保證。所以當見到Compass Visa送德國寶7L光波爐呢一刻，已經有種「係你喇！」嘅感覺。其次，出呢張卡入息要求低，只需要年薪六萬大洋，太后本身有份兼職足夠有餘；仲有，Compass Visa逢星期五去百佳消費可以碌走20%回贈，適合經常去百佳買餸嘅太后！


老娘深深相信太后可以輕易達成3個月簽$4,800呢個目標，所以極快速地搵定一大堆網上食譜包括：脆皮燒肉、蜜汁叉燒、心太軟、西多士、薄餅、烤羊架等，坐定粒六等食！從此以後，太后要烤、煎、烘、煮、燒、蒸、燉都完全無難度！（當然啦，條卡數老娘找，最緊要太后歡喜！）


老娘溫提：其實迎新當中仲有個ORRIS Egg Master好似幾好玩，號稱只要將雞蛋同餡料倒入去，就可以整到鮮嫩嘅雞蛋卷，仲搵左當紅嘅樂悠悠拍左條片，但係舊野只係值$288，冇可能要老娘簽$4,800去換番嚟咁笨架！