老娘的教室—— 啡

老娘唔算識飲咖啡，但愛飲咖啡，以前鍾意凍Mochaccino同Hazelnut Latte，貪佢甜甜地易入口。不過年紀大咗，漸漸對有奶有糖嘅凍咖啡失去興趣，又發覺咁飲法飲唔出咖啡本身真正嘅味道，慢慢轉飲Americano同Espresso，後來仲學人買咗個French press壺返屋企自己沖下咖啡。

識飲一定飲Espresso。

老娘有飲慣飲熟嘅咖啡店，咖啡師只要一見到老娘，就會自動沖杯例牌俾我。不過老娘唔係成日有時間去，所以想喺屋企裝返部咖啡機。而家流行嘅膠囊咖啡機，雖然係方便，放過膠囊入去就得，唔使磨豆倒粉乾手淨腳，但老娘始終都係鍾意睇住用咖啡豆磨成粉沖出嚟嘅咖啡。老娘喺Pacific Coffee網站見到JURA ENA 9呢部機，可以直接自動磨豆，即刻加入考慮之列。

呢部機可以一撳自動沖製。

呢部機可以撳個掣就自動出Latte macchiato、Cappuccino、espresso同埋Americano，有Program可以Set個人喜好，例如濃度、溫度同水量，可以打埋奶泡，亦可以揀磨豆粗幼，功能都幾啱心水。加上用建行 (亞洲) 信用卡買呢部機有8折，記低先。