老娘的教室—— 健

老娘的教室—— 健

相關信用卡:

老娘的教室—— 健

發表日期: 2014 年 07 月 17 日 更新日期: 2014 年 07 月 17 日 優惠攻略生活

作者:Zero In On

老娘本身唔係做保險,但都幾贊成人哋買保險,因為人生無常,你唔知意外幾時發生,身體幾時會冧檔。老娘之所以有咁大感觸,係因為身邊有位比較年長嘅朋友,平時鍾意大杯酒大塊肉,又少做運動,身體出現咗啲小毛病,個肚有時會陰陰痛,佢無理到,以為只係年紀大嘅小問題。點知最近佢心血來潮去咗做Body check,發現大腸生咗兩粒瘜肉,好彩發現得早,即刻割咗免除後患。



要身體健康,注意飲食、多做運動相信大家都知,唔使老娘教,定期做身體檢查都好重要,有醫生建議30歲開始可以每三年做一次,做一啲基本檢查。到咗40歲,就可能每兩年一次,同埋做得全面啲,做埋心血管疾病、糖尿病、婦科檢查等等。50歲以上就要年年Check住。另外,如果屋企人有遺傳病,亦最好定期檢查。當然,老娘唔係醫生,以上說話都係參考性質,各位有問題請請教醫生。

老娘建議,有咩頭暈身慶都唔好忽視,去睇下醫生。如果大家嘅公司冇醫療津貼,都可以考慮下買醫療保險。除咗搵相熟Agent,有啲銀行都有唔同健康保障計劃可以揀,大家可以比較下。