老夫子於灣仔舉行《想入非非-老夫子漫畫作品展》

老夫子於灣仔舉行《想入非非-老夫子漫畫作品展》

相關信用卡:

老夫子於灣仔舉行《想入非非-老夫子漫畫作品展》

發表日期: 2016 年 12 月 06 日 更新日期: 2016 年 12 月 06 日 生活

作者:編輯部

近來興講本土嘢,老夫子絕對係本土漫畫嘅代表作。香港唔同年紀嘅人細個都會睇過老夫子,簡直係一講出嚟大家都明嘅童年回憶。今年動漫基地聯合老夫子,舉行《想入非非-老夫子漫畫作品展》。作品展向作者王澤致敬,由12月10號至17年1月4號,粉絲一定唔好錯過。

話晒係展覽,緊係有老夫子、秦先生同大蕃薯呢三個最佳拍檔同場show俾你睇,甚至有非常珍貴嘅漫畫原稿。除咗有得睇,仲有得講!今次作品展有作者王澤嘅簽名會同座談會,到時唔知會唔會解答點解老夫子來來去去都係同一件衫呢?

老夫子出過漫畫、動畫,仲出過電影版,最特別係真人同動畫一齊出現,令我由細個睇過一次就記到依家。呢幾套電影已經好少有得賣,上網睇又唔高清,今次展覽就可以睇多次。每個周末晚上6點半會播多套電影,雖然唔知係咪最鍾意個套,不過有老夫子就值得一睇啦。

日期:2016年12月10日-2017年1月4日

地點:香港灣仔茂蘿街7號動漫基地

時間:10am - 8pm

費用:免費入場