群星齊撐!伍樂城幻想國度作品演唱會

群星齊撐!伍樂城幻想國度作品演唱會

相關信用卡:

群星齊撐!伍樂城幻想國度作品演唱會

發表日期: 2013 年 12 月 17 日 更新日期: 2013 年 12 月 17 日 生活

作者:620

我覺得音樂人(非歌手)會陸續開作品集演唱會,係始於Concert YY!雖然一直都唔見夕爺繼後開Show,但同我一樣鐘意一鋪過聽好多歌手上台熱唱既話,下年3月尾都有好選擇——伍樂城幻想國度作品演唱會2014聽日就開始優先訂票啦!真係要快手決定坐$580/$380定山頂$200好!



據報導,Ronald本來一直都唔打算開show,只係經朋友再三鼓勵,又適逢係佢自己入行15周年,先決定玩鋪大既!經佢手既作品同合作過既歌手不計其數,當中最為人所知既莫過於係伍樂城 = Twins御用唱片監制,所以影海報同演唱會嘉賓名單,點少得阿SA同阿嬌呢對孖妹?



除左Twins,目前確認出席既仲有陳慧琳、衛蘭、杜汶澤。至於演唱過《勾手指尾》既鍾一憲、麥貝夷;《以身試愛》既家姐關心妍;《合久必婚》既李克勤等人會唔會出現甚至係上台送禮,就要再跟進。唔知……會唔會有當年E神演唱《傾城》、千嬅頂著大肚子上場熱唱《可惜我是水瓶座》咁多精彩場面呢?

620不負責任估歌單:
Twins 女人味 / 友愛十年 / 明愛暗戀補習社 / 神奇兩女俠 / 夏日狂嘩 / Let Me Fly Away

陳慧琳 最愛演唱會 / 愛 / 郵票 / 好時光 / 星期五檔案

衛蘭 愛才 / You Go I Go / My Love My Fate / 十個他不如你一個 / 情人甲

杜汶澤 誰教我 / 叻叻兔福星