美國加息對樓市影響真係咁大?

美國加息對樓市影響真係咁大?

相關信用卡:

美國加息對樓市影響真係咁大?

發表日期: 2015 年 05 月 27 日 更新日期: 2015 年 05 月 27 日 生活

作者:任以風

連續好多個星期講股,我想祝福上車客可以喺牛市賺到錢幫補下首期。今日講講樓市。2015話咁快過咗5個月,經濟大勢有些微變化,如果有興趣買樓,最主要考慮以下兩個因素:


美國加息講咗好耐,最新經濟數據強勁,好多人擔心六月加得成。美國加息對香港樓市的影響簡單來講,直接提升香港息口,包括按揭拆息,增加買樓成本;再來是借款融資成本高,而相對地存款利率高,令資金流出股、樓等市場,轉投與利率有較大關係的投資產品,投資者(炒樓者,非用家)需求減少,令樓市跌。特別要提到,自由市場唔包生仔,投資有升有跌,手持幾層樓洋洋得意笑人買唔起嘅朋友,花多啲時間睇住市場好過啦。

美國加息令樓價跌,對用家或者係好事。不過最近阿爺不停放水谷股市,希望流入實體經濟,亦加速資金外出投資,作為輸出點的香港,必受帶動,而帶起的資金又會流入物業市場,所以美國減息和阿爺放水的影響有抵銷作用,但抵銷的幅度就是重點,特別是上車盤,由於需求強,即使跌,也不會大跌。

還是那句,用戶不是炒家,假設你只有一層樓,即使跌到負資產,都係心情差啲。如果話想賣樓等跌再換樓,好多人正正因為咁上唔返車,好自為之。

P.S.今日睇報紙見到一到一間車位咁大嘅自置公屋,126呎賣150萬,真係好無奈。筆者喜歡炒賣,但不喜歡炒樓,因為樓是人安居的地方。有時見人揸住一千幾百萬,走去炒上車盤炒居屋炒公屋,係,你無犯法,係,你有自由,不過係折墜啫,尤其資助房屋係俾有需要嘅人住。