網購Dyson熱門風扇吸塵機 英鎊VS港幣邊個抵

最近英國脫歐嘅熱話，英鎊兌港幣嘅匯率已經跌到10算，好多人都趁機入手英鎊嚟做少少貨幣投資。但我地啲小小打工仔又未去英國玩又唔想唱錢做投資，好似英鎊跌對我哋無咩大關係或者影響喎，如果你咁諗就大錯特錯啦！我地最大得著就係可以去英國網「網購」啦！一向香港人都好少去英國網訂購，因為匯率比美金貴，所以相對之下美國網購會更相宜。但因英鎊匯率跌感覺上網購好似抵咗好，今次我就搵3樣Dyson嘅產品同大家做下網購同香港價錢對比！

近年好多人都追捧Dyson嘅產品，但佢係香港真係賣到好貴，好多朋友都會睇下網買有無得平！鬼叫好用咩？！為咗心頭好當然要格價用最抵嘅價錢買佢返嚟啦！

今次我選咗Dyson三樣產品同大家做對比
第一樣係 AM09 風扇暖風機
第二樣係 AM08風扇
第三樣係 Dyson V6 Fluffy 無線吸塵機

Dyson Hot + Cool™AM09風扇暖風機
AM09除咗係風扇之仲可以當暖風機用，四季都啱用，加上Dyson嘅超型設計一年四季放條廳都唔會失禮啦！佢仲係唯一配備噴射控流技術嘅風扇暖風機，可以擇集中模式向遠距離吹送強勁氣流添。風扇暖風機唔會外露發熱嘅配件，唔會產生燒焦氣味。如果機身撞跌仲會自動關機㗎！

▲功能勁就勁啦，不過香港要賣$5,280真係幾貴！

▲而英國Amazon只係買緊£358如果計返當日匯率只係四千蚊港幣都唔洗呀！

*Dyson AM09風扇暖風機英國代購比香港平大約$1300右左(未計運費) ！

Air Multiplier™ AM08風扇
Am08比上面AM09少咗暖風功能，但佢外型係環形設計，環形穿過空氣氣道會加速，會製造穩定嘅高速強風。一樣都係無扇葉超有型，AM08仲會比另外一款AM03風扇更寧靜35%添。

▲香港售價係$4,880，風扇嚟講真係世界級的貴啦！

▲而英國Amazon係買緊£318.當19如果計返日匯率係$3,500港幣右左呀！

*Dyson AM08風扇英國代購比香港平都係大約$1300右左(未計運費)！

V6 Fluffy 無線吸塵機
V6 Fluffy係Dyson入面最貴嘅吸塵機，佢嘅吸頭構造獨特可以專為各類嘅地板，可以吸到微塵同體積較大的碎屑，V6 Fluffy嘅吸力比其他無線吸塵機強10倍㗎，外配件都特別多，有窄縫清潔吸頭，二合一細縫吸頭，床褥清潔工具，迷你電動吸頭都有。就連連最近好多人關心嘅床蟎都一樣吸到！養寵物嘅人同有過敏症嘅人最適合不過啦！

▲話晒佢係Dyson最貴嘅吸塵機價錢當然高級啦，香港售價係$7,280，貴到iPhone都買到部呀！

▲而英國Amazon只係買緊£349.99，如果計返當日匯率係$3,800港幣右左呀

*Dyson V6 Fluffy 無線吸塵機英國代購比香港平都係大約$3,400右左(未計運費)！

如果講起網購用咩信用卡最抵，可以用citibank嘅Citi Clear Card！

▲Citi Clear Card可以享用全球網購嘅優惠， 網上簽賬現金回贈仲高達2%添，最方便就可以佢可以提供埋免費美國、英國網上代購，指定國家轉運服務仲低至8折！香港用依張卡仲有戲飛買1送1同娛樂盛事優先訂票，用嚟網購同娛樂依家張卡最適合不過啦！

▲Citi Clear Card 網購合作夥伴係DimBuy同Borderlinx，DimBuy中國、日本、韓國、台灣、英國、美國、德國都可以代購，仲會有額外9折優惠，而Borderlinx主打係美國同英國代購，首次便用運費仲有8折優惠同時可享網上外幣簽賬2%現金回贈添。

另外用DBS Eminent Card網購，有6%回贈，例如買一部V6 Fluffy 無線吸塵機，咁就大約有$228回贈啦！不過要累積簽賬夠$5,000先至有回贈㗎。