網購2016上半年日本Cosme大賞新藥妝

手痕痕，想為自己嘅化妝護膚品櫃添加新成員？面對住市面上咁多嘅牌子，又有咁多新產品，樣樣都想試但買晒又驚破產？2016上半年嘅COSME大賞結果已經出咗爐！不如參考吓日本人覺得邊樣最好用再去買啦！

護理用品篇：
首先出場嘅係Naturie嘅保濕gel。見到佢個包裝係唔係熟口熟面唔知喺邊度見到呢？冇錯！佢就係早排大熱薏仁化妝水嘅牌子！今次呢隻係保濕啫喱，冇香料冇色素，同樣蘊含薏米抽取物做保濕成份。

Naturie Skin Conditioning Gel (Job's Tears Moisturizing Gel)

跟住出場產品嘅牌子同樣相信大家都好熟悉，就係推出好多洗面膏嘅Rosette。留意返，今次呢個Rosette嘅產品唔係洗面膏，而係去角質嘅！佢有3種果酸成份（乳酸、蘋果酸及檸檬酸），幫助換走古老角質，而且佢仲有豆乳發酵抽取物，有助保濕。甘油及dimethicone也有保濕的作用。

ROSETTE Rosette Gommage Moist

一直都想搵個同身體去角質嘅產品，市面上幫面部去角質嘅就多，不過身體就唔係好多選擇。呢個Oh Baby Body Scrub就係幫身體去角質，仲有牛奶成份同身體保濕。呢款產品似乎長期都係受歡迎，2007年同埋2015年都有Cosme大賞啊！

Oh Baby Body Scrub

見到呢個公仔，就知道又係毛穴撫子嘅時間！毛穴撫子嘅去士多啤梨鼻洗面膏好出名，原來佢都有出面膜㗎喎！佢係由100%嘅國產米嘅成份製造，米嘅發酵液可以保濕，可以紓緩乾燥嘅毛孔。

Keana Nadeshiko Rice Mask

以下呢一隻係一隻唇部嘅產品。好多時護唇嘅產品都會俾人哋一種油笠笠嘅感覺，我自己都有時會因為呢種張住嘅感覺好抗拒揸護唇嘅產品，當然第二日要化妝時個唇甩皮就會後悔。而呢一款產品就係主打水感嘅滋潤感，希望冇嗰種張住張住嘅感覺啦！睇佢個名就知，佢有蜜糖做保濕成份，亦有榛子油、透明質酸等滋潤唇部。

Vecua Honey Watery Oil

最後登場嘅護理用品就係LOreal嘅髮油，佢有法國玫瑰精油，可以滋潤頭髮，而且無論濕髮同乾髮都用得，夠晒方便。不過呢支美髮油香港都有得買，而且價錢分分鍾平過網購，所以都係留番喺香港買啦呢支。

L'Oreal Paris Elseve Extraordinary Oil Éclat Impérial High Shine Oil

到大家最關心，永遠都買唔厭嘅化妝品喇！講真化妝品成日都出新款勁吸引，但又唔知好唔好用，不如一齊睇吓ranking再決定啦！
眉部化妝品嘅代表有IPSA 嘅眉粉盒，佢嘅特點就係有紅色同埋橙色嘅眉粉。今時今日，好多時都流行嘅淺色嘅髮色㗎嘛，如果條眉畫到黑色咁，咁咪同個髮色好唔match？呢盒眉粉嘅紅色同橙色就可以幫你嘅眉毛tune色，咁咪唔怕會做咗蠟筆小新囉！

Ipsa Eyebrow Creative Palette

另一個上榜嘅眉部化妝品就係 Ettusais嘅Natural Powder Brow Liner，呢個產品會令對眉粉改觀。印像中嘅眉粉都係一盒盒，而Ettusais呢款就係筆刷狀，喺個筆刷頭就沾滿咗眉粉，一開就可以直接刷上眉，對比刷同粉分開，都叫好方便啊！而且包裝仲附上一個卡紙嘅眉型，就算係手殘女都可以跟住個卡紙畫，唔怕會出事。

ETTUSAIS Natural Powder Brow Liner 

之後到眼部嘅化妝品，想要眼睛放大bling bling當然唔少得眼影嘅幫助啦！KATE嘅眼部化妝品一向都好有口碑，今次佢呢隻擴型深邃眼影盒更加上埋榜㖭！今次呢個眼影盒強調眼頭及眼尾雙緣，打造橫長大眼。

KATE Forming Edge Eyes
 

最後要講嘅係唇部嘅化妝品。AUBE其實係Sofina旗下一個品牌，呢支唇膏液含有修護成份，可滋潤乾燥嘅嘴唇，可以遮蓋甩皮同埋唇紋。佢一共12色，刷子係唇型。而且佢仲有一個透明色，可以搽喺現有嘅唇膏上面，或當打底或唇部精華膜使用。

AUBEcouture Essence Lip Color

介紹番，以上嘅產品其實都可以喺Cosme嘅網站度購買，麻煩嘅位係Cosme呢個網站唔提供國際運送服務，如果想運過來香港就要用番國際轉運服務。有啲產品喺香港都買得到，要計清楚香港買得平啲定網購平啲！不過一啲喺香港仲未推出嘅產品，都可以上呢個網站睇吓有冇，可以夾埋啲貨一齊寄過來。唔識日文嘅朋友都唔緊要，呢個網站有英文，一定睇得明～

依度只係介紹咗部份上榜產品，如果想睇番詳細嘅COSME排名，可以去呢度睇（傳送門）。

由即日至2016年9月30日，憑中銀信用卡於Gmarket、LuisaViaRoma或透過PayPal賬戶於任何網上商戶(下稱「指定網上商戶」)簽賬*，即可享20倍簽賬積分^！於其他網上商戶簽賬*，亦可享12倍簽賬積分^！
* 須作單一網上簽賬每滿HK$500或以上，方可獲享相關簽賬積分獎賞。
^ 如客戶憑i-card於指定網上商戶及其他非指定網上商戶簽賬，只可分別額外獲得10倍及2倍簽賬積分。每位客戶(以身份證號碼計)於整個推廣期內最多可共獲額外50,000簽賬積分。

信用卡優惠詳情可以去〈呢度〉睇。