各位會員有好消息，而家透過HongKongCard可以免費Check環聯信貸資料，只要係HongKongCard會員，就可以免費查閱信貸資料及評分。
請放心，所有個人資料係經由環聯信貸報告系統處理，HongKongCard絕對不會儲存任何個人資料或作任何資料收集！快啲睇下點Check環聯信貸報告！
1.首先Click右上角「申請及比較信用卡」旁邊嘅箭咀圖案。
或直接按Menu登入：
2.然後Login HongKongCard會員，未做會員就記得註冊或者用Facebook帳戶登入。
3.Login後Click自己帳戶Logo，照樣喺「申請及比較信用卡」旁邊。
4.然後Click「詳細資料」。
5.拉到最底，左邊出現「登入CreditView」。
6.然後會彈去新版面，Click「立刻登記」。
7.先填好個人資料，紅色星星部分係必填！
8.帳戶資料就係Login 名稱同密碼，建議用Email做Login 名稱，比較方便。再Click「接受及繼續」。
9.為咗驗証身份，網站會問幾條關於你過去財務狀態嘅問題，呢個Step好重要！記得一定要答啱晒，答錯就會被Lock Account！另外好重要嘅係一定要於要於10分鐘完成。
10a&b.答完問題後，網站會Send密碼SMS去你手機，收到後請於呢個版面輸入。
11.成功後你就可以Check到自己信貸評分、信貸評分排名、信貸評分紀錄、信貸總覧等資料。
*注意：個人資料係經由環聯信貸報告系統處理，HongKongCard絕對不會儲存任何個人資料或作任何資料收集
信貸報告FAQ
Q：乜嘢係信貸評分？
A：只要有任何信貸帳戶，例如信用卡、私人貸款，由你嘅理財習慣資料，包括還款紀錄、總結餘、信貸紀錄長短、信貸帳戶種類、新開立嘅信貸帳戶，計算出一個評分，就係信貸評分。
Q：信貸評分分幾多級？
A：分10級，由A至J，A最高。
Q：信貸評分有乜用？
A：銀行或財務機構可以查閱你嘅信貸評分，作為批唔批你申請貸款或信用卡嘅參考資料之一。信貸評分愈高，銀行就會認為呢個客戶風險愈低，較大機會批出貸款，貸款條件通常都會好啲，例如利率會低啲，貸款額或信用卡嘅信用額會大啲。
Q：遲交卡數會影響信貸評分？
A：遲交卡數會對信貸評分有負面影響，短時間内申請多張信用卡或多個貸款，都會影響信貸評分。
Q：經HongKongCard查閱信貸評級，可以查幾多次？
A：無限次數查閱。
Q：需要收費？
A：費用全免。
Q：HongKongCard查閱信貸資料會唔會影響信貸評級？
A：唔會。
Q：答錯驗証身份問題，賬戶被鎖，如何解決？
A：可以Send Email去環聯 (verifyid@transunion.hk) 要求解鎖，通常第二日就會打電話嚟，問返驗証身份問題，就可以解鎖同登入返。
Q：經HongKongCard查閱信貸評級同畀錢索取嘅信貸報告有咩分別？
A：經HongKongCard查閱可以睇到信貸評分、信貸狀況總覧等基本資料。而畀錢索取嘅信貸報告就會更加詳盡列明信貸紀錄，例如過往信貸紀錄、開戶、已結束同過期欠款賬戶、邊啲機構或銀行Check過你TU等。
Q：資料好似唔係最Update？
A：銀行一般會每31日更新客戶信貸資料，不過每間銀行更新時間都唔同，可能要更長時間先會顯示到出嚟。