糧尾恩物 半價歎2人套餐

返工返得咁辛苦，受埋咁多氣，間唔中食餐好少少嘅晚餐，當係慰勞下自己。雖然月尾未出糧，但Lady C.真係頂唔順喇，喺呢個Moment，要爆喇！我要食！食！食！搵下有咩平得嚟又唔太失禮嘅先。

東亞做緊意粉屋同spaghetti 360°優惠，佢哋個五百幾蚊嘅二人套餐做5折，可以約多三個姐妹，Order兩個套餐叫晒唔同Dishes一齊Share，除開每人唔使$200，坐得舒舒服服慢慢歎，又可以同啲姐妹傾下偈，呻下老細啲難頂嘢，發洩下平衡返心理狀態。另外佢哋個下午茶亦都做緊買二送一，又可以同啲親密戰友蛇落去抖下氣。