精揀攤位贏公仔攻略！2016 AIA嘉年華！

外國聖誕節有Christmas market令人羨慕不已，好在我地香港一樣有AIA歐陸嘉年華，無論係燈飾，氣氛定摩天輸都一樣無得輸，留意聽日就開幕啦！話說AIA因為考慮到太多人表示機動遊戲太貴，所以所有遊戲價錢都一律調低大約25%，而且仲增添左1-2個新機動遊戲，例如「SIZZLER」。不過機動遊戲又點會係重點？帶女神去玩攤位遊戲大顯身手，贏公仔奪得女神芳心才是重點吧！！加上今年獎品質素比舊年更加吸引，多左新公仔例如芝麻街和Troll等，係女仔都幾難唔鍾意！雖則話玩攤位遊戲都係七分靠運氣、三分靠技巧，但時間同金錢都好重要！小編今日就率先玩咗場內公仔最熱門嘅11個攤位遊戲，睇吓邊啲最易玩，又有邊啲係mission impossible，等大家可以中少啲伏，唔洗嘥錢嘥時間！（其實係唔洗喺女神面前瘀皮）

遊戲難度：★

對男仔黎講難度完全唔高（尤其係高既男仔），灌籃高手就更加唔係講！

遊戲難度：★

拋中個罐就OK，連我都掟得仲，證明真係好容易！

遊戲難度：★★★★★

完全靠運氣，毫無技巧可言！乜都唔洗諗隨心拋出去吧~

遊戲難度：★★★★★

靠運氣x2，超難，小編連隻碟都無中過，原來係要拋落枱再反彈上碟到，因為就算你拋到上碟，都好容易跣番落去，但下面又咁多幣，點反彈...?總括嚟講，冇乜可能。

遊戲難度：★★

只要分數夠150就會有獎，小編每次都係靠大力反彈結果失敗，大家或者可以試吓細細力，可能仲容易啲入分。

遊戲難度：★★★

拋中minions好易，但就要圈埋個底座先有獎，個人覺得唔算難，用旋轉方式拋出呼啦圈應該會易啲。

遊戲難度：★★★

太大力一定唔work，會反彈，要用「陰力」先得。最好應該係可以拋到個波係入面旋轉，就一定唔會跌出黎。

遊戲難度：★★

其實呢個對於手定既人黎講係好容易！上面毫無難度，只要過到下面既卡位就搞掂食碗麵！不過記得過卡位時速度一定要快，同埋要睇準時機。影到就可以得到大公仔一隻（無分大細），個人覺得都算抵玩。

遊戲難度：★★★★

ELMO雖然好得意，但都係要靠運氣，小編連個杯都掟唔中.......

遊戲難度：★★★★

掟中塊板再反彈就有獎，但係個波一係彈出黎，一係就整跌條紅色棍，難呀!!!

遊戲難度：★

對小編黎講係最容易，因為是但掉就符碌中咗個特獎，哈哈哈哈哈哈哈哈哈哈哈

玩完遊戲，場內仲有好多影相位可以影相呃like！

AIA歐陸嘉年華
地點：中環海濱活動空間
日期：2016年12月16日 - 2017年2月12日
門票：成人＄125 （包10個代幣）
小童（3－11）、長者或殘疾人士＄90（包7個代幣）
入場門票港幣＄35（不包代幣）
3歲以下兒童及65歲或以上長者免費
代幣價錢：每個$10
遊戲所需代幣：大部份遊戲每次收取2枚代幣