簽帳回贈 大型電器連鎖店邊間回最多?

簽帳回贈 大型電器連鎖店邊間回最多?

相關信用卡:

簽帳回贈 大型電器連鎖店邊間回最多?

發表日期: 2014 年 07 月 16 日 更新日期: 2014 年 07 月 16 日 購物

作者:炸雞波

而家啲新手機愈出愈快,幾個月又話出部新嘅旗艦機,真係追唔切。不過,遇著有勁機推出,都會心思思想換機。例如上個月剛剛出嗰部LG G3,機身同其他牌子嘅旗艦機差不多大,但個屏幕就5.5吋,大咗0.3-0.4吋,解像度重要去到1,440 x 2,560,真係好吸引。


LG G3個屏幕真係好正。


雖然我知先達入面啲舖頭比大型電器連鎖店嘅價錢要低,但係我對佢哋嘅「全新」行貨存疑,所以我都係習慣去大舖買。最近豐澤蘇寧衛訊百老匯<-(點擊睇詳情﹚都同唔同信用卡簽帳回贈,佢地賣機都係賣建議零售價,就即管睇下邊間回得多啲。

就以LG G3賣緊$5,998為例:
  • 去豐澤用Citibank信用卡以一單簽賬計,回得比較多。
  • 去蘇寧用中銀真係回得少。
  • 去衛訊用恒生回盡有$200超市禮券同$640 Cash Dollars,計埋有成$800超市禮券。
  • 去百老匯用匯豐每星期得$200,都係少,除非抽中回50%,就回$500。

順帶提一提大家,分期買機係食唔到回贈嘅。除咗恆生本身係回贈Cash Dollars之外,其餘三間都可以同時賺積分,例如匯豐可以夾「最紅自主獎賞」同「最紅星期五」,最多賺11倍「獎賞錢」。

某些舖頭用返回贈嗰張卡,可以特價買指定數碼產品,但就冇回贈啦。百老匯賣LG Nexus 5 $2,880 (原價$3,898),比起Google Play Store網價$3,198平咗$300,仲唔使等送貨;蘇寧賣HTC One Max $3,898 (原價$5,898)。雖然兩部機都已經出咗一段日子,不過Budget唔多嘅朋友都可以考慮下嘅。