第一次兌換KrisFlyer就上手

KrisFlyer網可以兌新航／勝安航空嘅來回、單程航班獎勵同艙升等。如果想加中途停留就要打去客服度處理。好彩新航有香港辦事處可以幫手，而且接聽速度都幾快，感恩呀！

兌換航班教學

1.記得login咗先，因為login咗之後先check到免費機票。
首頁搜尋航班＞輸入時間、出發地、回程地、人數等資料。

2.用香港去新加坡例子，示範下點兌換先。search完之後會彈出查詢結果，話你知心水日期saver(超值獎勵機票)同埋Standard(標準獎勵機票)機票有冇位。係精明眼都知道揀saver先係最抵，因為需要哩數平一半呀！加埋網上兌換有85折優惠，所以超受歡迎。另外最好揀冇橙色「後補名單」字嘅選擇。

3.選擇完去程同回程之後就會show出所需KrisFlyer 同埋稅項。確認之後㩒下一步，輸入乘客資料，完成！記得online兌換有15％優惠。以香港去新加坡做例子，本來需要30,000哩，網上兌換85折之後就只需25,500哩同埋稅項。

兌換Q＆A

－獎勵機票效期係幾耐？
開票起首段航班起飛日起計十二個月。

－Saver(超值獎勵機票)同Standard(標準獎勵機票)有咩分別？
Saver所需哩數少過Standard好多，所以亦受歡迎好多。
超值獎勵機票標準獎勵機票單程無中途停留中途停留 1 次往返行程中途停留 1 次中途停留 2 次獎勵機票效期 12 個月12 個月

 

－點樣換中途停留機票？
如果想中途停留，網站係做唔到㗎，一定要打上客服book。不過換句話嚟講，要中途停留就冇咗網上兌換85折呢個優惠。

－點check單程同中途停留嘅機位？
如果想check單程有冇機位，可以於網上查到。但如果想check中途停留機位，都係要打上客服問。另外，新航機位嚟講，如果check單程香港－＞新加坡，如果網上check到有位，唔等於中途停留幾段航程都有位，例如：香港－＞新加坡－＞台灣，因為單程同中途停2邊機位唔流通。所以如果想知中途停留有冇機位都係打上客服問最好，而且最好唔好一程一程咁check，唔可以作準㗎。

－去程、回程可唔可以混合艙？
可以，不過新航唔可以於網上揀混合艙。例如：去程商務－＞回程頭等，就要打上客服處理。不過咁又冇咗網上兌換85折呢個優惠喇。

－點聯絡客服？
好彩香港都有新航辦事處。如果想換機票可以打上去問問，只要有晒時間地點等資料，香港辦事處會即時幫你check機位，兼即時幫手出機票。
 

－可唔可以買哩數？
首先要擁有兌換獎勵機票所需至少 50% KrisFlyer哩程數，因為你最多可買所需剩餘哩程數 50%。
你可以喺網上兌換航班

－哩數幾錢？至少要買 1,000哩。每 1,000哩程數USD＄ 40 美元或當地等值貨幣。

新加坡航空網站