站站講樓 - 灣仔/銅鑼灣區500萬以下盤!
站站講樓 - 灣仔/銅鑼灣區500萬以下盤!
相關信用卡:

站站講樓 - 灣仔/銅鑼灣區500萬以下盤!

發表日期: 2016 年 10 月 19 日 更新日期: 2016 年 10 月 19 日 生活
作者:高俊權 (高sir)

<高sir隨筆>:唔知大家有冇玩開大富翁遊戲? 有玩過香港版的朋友, 都知道唔同地方有著唔同的價值, 例如你係元朗買地起到有別墅(講緊大富翁隻game),同係銅鑼灣買撻地就咁起間屋,敵方不幸踩中的話,可能只有一間屋的銅鑼灣,賠償金額都貴過已經起到有別墅的元朗,這個我們兒時的時候就已經知道,所謂「地皮的價值」。

「灣仔」,從來都是樓市投資者必爭之地,當今一條春風街已變成豪宅,並以天價的房價令區內人情味盡失,想住灣仔,或初心投資客想係灣仔買樓放租,有些朋友以為難度很高,但其實又不是想像中的遙遠。今期介紹灣仔區500萬以下,物業租金回報幾理想的單憧樓,位於莊士敦道的嘉寧大廈為其中之一,距離人來人往的軒尼詩道一街之隔,可謂旺中帶靜,鄰近金鐘廊,灣仔等商業重點,加上地鐵站距離步程5-10分鐘可達,租賃市場不成問題,1965年物業,樓齡較舊唯大廈保養理想,270呎樓開價430萬,撇除因物業樓齡較舊銀行估唔足價,可以比多少少首期用黎放租一流。

另一間唔太近地鐵站,於銅鑼灣站至灣仔站中間,有一間叫特麗樓,樓齡較新,1988年物業,距今28年樓,銀行估價不成問題,部分單位可望少量維港海景,又是另一靜中帶旺之選,銅鑼灣;深受年青一輩歡迎,隔一條街已可直達銅鑼中心地帶,完全符合年青夫婦要求,物業單位2016年9月份,填土廳資料顯示271呎賣360萬,樓市反彈後,業主大多以貼近420萬以上放貨,話雖如此,400萬住一間灣仔貼近銅鑼灣樓,上車可諗。

綜合計算,灣仔/銅鑼灣區仍以舊樓為主要,新樓一開價唔駛諗直指天價發售,要上車買舊盤用心找其實唔難,唔好以為一定冇。家庭客如果想睇,唔怕細要校網,灣仔/銅鑼灣區校網完全符合名校一族心理。
交通/購物/食店:不用多說了罷。

希望今期幫到有需要朋友。