稅階升至4.5萬 你要交幾錢稅？

新上任財政司司長陳茂波新一份財政預算案建議，將薪俸稅邊際稅階由依家的$4萬擴闊至$4.5萬，打工仔喺2017/18年度將交少咗稅。以一個只獲強積金同基本免稅扣除額嘅打工仔為例，佢下年度要交幾多錢稅？

 

邊際稅階升到4.5萬，咁即係點呢？即係先計好你個應課稅入息實額，首$4.5萬嘅稅款會以2%稅率計算，$4.5萬至$9萬就7%，$9萬至$13.5萬就係12%，打後就係17%。

畀個例子大家，假設你係普通不過嘅打工仔，正職以外冇其他收入，一個月搵$3萬，一年就搵36萬，除咗$13.2萬基本免稅額同強積金嗰$1.8萬外，冇任何扣除額，咁你個應課入息實額就係$21萬。呢21萬中，就會按每$4.5萬的邊際稅階嚟決定稅款，直至$13.5萬打後，剩額一律以17%計算稅款，最後要交嘅稅款就係$2.22萬（如下表）。

 

▼喺新稅階下，月入$3萬會交少$1,500稅

 

嚟緊交幾多錢稅？

 

公式就睇完喇，咁你即係要交幾錢稅呢？如果你每月搵得嗰$1萬，1年搵$12萬，唔超過$13.2萬基本免稅額，唔使交稅。打後嘅稅款，因為搵得多，交嘅稅自然多，去到月入$2.6萬，就已經要交超過$1.4萬稅，超過你半個月糧（下表）。

 

▼新稅階下，交嘅薪俸稅會少咗

擴闊稅階既然係政府派糖嘅措施，大家今年度交嘅稅當然會少咗啦；從上表所見，例如月入$1.6萬的人士，今年度交嘅稅會比上年少$200幾，如果月入$3萬，會交少$1,500。

要注意嘅係，財政預算案同時建議退返2016/17年度75%薪俸稅畀打工仔，上限$2萬。咁大家的退稅款項係幾多？咁就要留意筆者下一篇blog喇。