年尾又係交稅嘅時候，唔少銀行都推出咗今季嘅稅務貸款。其實稅貸唔止用嚟交稅，仲可以有其他用途，例如進修、投資、還卡數（當結餘轉戶咁用）之類。如果有需要，可以揀一間利息平啲嘅，申請貸款周轉應急。
比較實際年利率
貸款要睇利息，利息高低可以參考實際年利率。計算利息、手續費、回贈優惠、豁免供款額之後，得出嚟嘅實際借貸成本利率可以作為指標，實際年利率愈低，借貸成本自然愈低。
最優惠利率因有特定條件
搵到一個實際年利率比較低嘅稅貸，其實最終批出嚟，都唔一定係呢個利率，因為最優惠嘅實際年利率，通常係要借特定金額、特定還款期，仲要視乎申請人嘅職業、收入、個人信貸評級而定。
銀行通常對醫生、會計師、律師等收入穩定嘅專業人士，批出比較好嘅利率，而貸款額比較高，還款期比較短嘅申請，利率都會好啲。
按還款能力選擇還款期
而家稅貸其實同一般私人貸款差不多，還款期可以做到48個月或更長，各位可以就住自己嘅還款能力選擇還款期。
認清其他手續費
除咗最主要嘅利息，借稅貸之前仲要睇清楚，有冇包含其他手續費或雜費。如果有其他收費，就算利率低，借貸成本可能會仲高。雖然呢啲收費都會反映係實際年利率上面，不過最好都係問清楚。
稅務貸款實際年利率比較
下面列出咗各大銀行稅貸嘅實際年利率比較，當中最低實際年利率係各銀行用唔同條件，包括貸款額、還款期、特選客戶、指定日期前提取貸款等得出，例如要借$1,000,000，12期還，仲要係特選客戶，所以未必人人拎到呢個利率。
而另一個例子比較貼地，當一般客戶借$100,000，分24期還，睇返未扣除迎新優惠嘅實際年利率。
| 銀行 | 最低 實際年利率* | 貸款10萬 24期還款 實際年利率^ | 最長還款期 (月) |
| DBS | 1.86% | 4.02% | 36 |
| 恒生 | 1.54% | 2.99% | 60 |
| 滙豐 | 1.77% | 3.25% | 24 |
| Citi | 0.99% | 3.6% | 48 |
| 大新 | 1.38% | 3.24% | 24 |
| 中銀 | 1.50% | 2.8%# | 18 |
| 信銀國際 | 1.63% | 3.05% | 24 |
| 永隆 | 1.78% | 3.47% | 24 |
| 東亞 | 1.57% | 3.78% | 24 |
| 富邦 | 1.97% | 6.86%# | 24 |
| 上海商業銀行 | 1.88% | 1.88%@ | 24 |
| 交通銀行 | 1.85% | 3.94% | 24 |
| *最低實際年利率可能包括不同條件，例如特定貸款額、還款期、特選客戶、指定日期前提取貸款、同時申請其他銀行服務、包括迎新獎賞價值等 ^以一般客戶申請計算，未包括迎新獎賞 #以12個月還款期計 | |||
| 銀行 | 最高借貸額 (以較低者為準) | 迎新優惠 |
| DBS | 150萬 月薪12倍 | 最高$1,300超市禮券 |
| 恒生 | 300萬 月薪12倍 | 網上或手機申請最高$500現金回贈 |
| 滙豐 | 300萬 月薪10倍 | 網上申請及遞交資料最高$200現金回贈 |
| Citi | 200萬 月薪12倍 | 最高$4,288利息回贈 / $1,588現金券 |
| 大新 | 100萬 月薪10倍 | 最高$1,288現金回贈 網上申請最高$50現金券 大新戶口提取貸款及還款最高$100現金獎賞 |
| 中銀 | 200萬 月薪6倍 稅額3倍 | 指定日期前成功提取貸款最高$500中銀信用卡免找數簽賬額回贈 |
| 信銀國際 | 200萬 月薪12倍 | 首月免供還款假期 |
| 永隆 | 100萬 月薪12倍 | － |
| 東亞 | 120萬 月薪12倍 | 指定日期前網上申請及提取貸款最高$1,000現金回贈 |
| 富邦 | 100萬 月薪8倍 | － |
| 上海商業銀行 | 200萬 月薪12倍 | － |
| 交通銀行 | 200萬 月薪10倍 | 網上成功申請可獲$200信用卡簽賬回贈 交通銀行賬戶提取貸款及還款最高$200信用卡簽賬回贈 |
最長還款期－恒生
稅貸最長還款期普遍係24個月，DBS做到36個月，Citibank 48個月，恒生最長60個月。
貸款額最高－恒生、滙豐
以貸款額計，恒生同滙豐都做到$3,000,000，不過通常會同月薪倍數比，以較低者為準，所以一般普羅大眾都係睇月薪倍數，唔少銀行做到月薪12倍，恒生都得可以。
借$100,000、24期還實際年利率較低－恒生
雖然表入面有啲低過恒生，不過有啲要12期還、有啲要借$200,000。用返借$100,000、24期還呢個例子，恒生實際年利率2.99%算係比較低。不過講到尾，最終利率高低，都係因人而異，要睇返銀行批幾多。
星展「稅季貸款」 詳情按此
恒生「稅安心」貸款 詳情按此
滙豐交稅「萬應錢」 詳情按此
Citi 稅季貸款 詳情按此
大新交稅「快應錢」 詳情按此
中銀「貸合適」稅務貸款 詳情按此