稅務貸款格價天書 (一般人篇)

稅務貸款格價天書 (一般人篇)

相關信用卡:

稅務貸款格價天書 (一般人篇)

發表日期: 2014 年 11 月 13 日 更新日期: 2014 年 11 月 13 日 生活貸款稅貸

作者:積克

上次講咗借稅貸嘅前要留意同考慮嘅要點,相信大家都應該有基本概念。今次我就用一般人嘅例子嚟說明,同大家格下價。假設月薪2萬,除咗交稅,仲想報Course交學費、清下卡數,借10萬 (又假設銀行批足10萬),分24期還,睇下邊個稅貸Plan利息比較低,同埋迎新較著數。


以下貸款計算只係按照銀行提供嘅數據計出嚟,由於每個人嘅信貸紀錄、申請貸款額、還款期數唔同,銀行所批出嘅息口亦會唔同,可加可減。所以最終實際上借到幾多,利息幾多,都係要等銀行審批咗先知。

稅務貸款比較表

AEON、建行 (亞洲)支出較少
由以上計算得出,AEON同建行 (亞洲)嘅總支出係比較少,雖然佢冇特別優惠,但息口較低,亦免手續費,支出少啲實際啲。
另外上海商業銀行嘅全新客戶息口特低,不過要同時申請其他服務,例如開證券買賣、定期存款或出糧戶口,先有優惠利率。

18個月以上還款期較輕鬆
同一般私人貸款唔同,稅貸還款期最長多數係12至24個月,DBS做到36個月,Citibank做到48期算係目前最長。以今次例子嚟講,月薪2萬借10萬,分12期還,每個月要還八千幾,加上日常生活開支,份糧可能已經冇咗大半,分18期就每月還五千幾,同分24期相差$1,500左右,如果人工高啲,想快啲還完,俾少啲息,可以諗下分18期。

批款即扣手續費
大部分銀行都要收手續費,不過有啲就豁免咗,有啲就零利息但收貴啲手續費,例如渣打。而要收手續費嗰啲,多數都會喺批出貸款嗰陣一次過扣除。

豁免提早清還手續費
如果想提早清咗條數,好多銀行都係要俾提早清還手續費,而AEON、信銀國際、Citibank都可以豁免,但可能會有條件限制,例如Citibank就要提取貸款第24個月之後提早清還先可以豁免。

網上申請額外獎賞
唔少銀行都有網上網上申請額外獎賞,東亞送$400現金回贈,同埋有幾多優惠回贈,可惜佢息口高,其實係羊毛出自羊身上。
申請其他服務有優惠銀行為咗吸客,除咗稅貸仲想引你用埋其他服務,例如出糧戶口,理財戶口,信用卡等,所以有啲銀行就會推出同時申請指定服務會有額外優惠。申請富邦稅貸,佢會開張永久免年費嘅萬事達白金卡俾你,唔夠年薪就開張Titanium卡,而家做緊迎新,頭3個月內累積簽滿$2,800賺50,000分。平時有睇開呢度啲Blog嘅都知道,呢兩張卡用嚟賺分都幾好賺,特別係去台灣有20X積分。