祖琪做下偽文青 之 人氣《瘋鳥》 Cafe

一個月中總會有幾日，覺得好想感受下文化氣息，影啲好靚嘅相，靜靜地享受下寧靜的下午。無錯，今次祖琪呢兩個偽文青，要帶你去一間近來都幾出名，真偽文青都可以去嘅 《瘋鳥》 cafe~~~~
一踏進呢間cafe，我就感受到一種「文氣」。無錯，就係「文藝的氣息」。無論係cafe嘅設計，定係佢花心思嘅擺設，都令你覺得非常舒服～呀琪話佢由朝早十點坐到夜晚都得喎～
當然喇，我地文青祖琪來到呢度，梗係唔止講呢間cafe有幾文青喇～我地今日仲有三大任務～第一，飲到精品咖啡；第二，食到佢嘅好嘢食；最後，同到阿妹玩。（邊個係阿妹？一陣你咪知囉 :P )

哇哇哇，講到精品咖啡就犀利喇～～～

我哋搵咗店主為我哋即場示範調配一杯精品咖啡，佢首先俾咗咖啡粉比我聞一聞。然後佢就開始以手沖嘅方式去沖煮精品咖啡。
咩叫精品咖啡？可以稱得上為精品咖啡，通常都係由品質上較優質嘅咖啡粉製成嘅咖啡，通常都會以評分標籤優質嘅咖啡豆，獲得八十分以上嘅咖啡豆，就可以稱為精品咖啡。

祖琪食評時間

芝士炸蝦Pizza

見到咁大隻炸蝦係快Pizza上面，個賣相真係令人食慾大增。我想講，隻炸蝦真係好好好好食呀，咬落去啖啖肉仲好香添。加埋香濃嘅芝士pizza，啱啱焗好嗰陣香味諗返起都流口水，可以幾個朋友一齊share。
好食指數：9/10

蜜糖芥末烤雞沙律

用蜜糖同芥末醬加入沙律，真係令到個沙律好Fresh。啲菜咬落去就知道好新鮮，而雞肉亦都好滑，食完pizza再食飯個沙律，即刻覺得自己有Quota再食多啲嘢。
好食指數：8/10

忌廉牛乳三文魚意大利粉

鍾意食三文魚嘅朋友可以一試，三文魚嘅份量都算幾多，忌廉味幾香，呢個意粉亦都煮得啱啱好。不過個牛乳味就唔係好食得出，如果多番少少汁就會好食啲。
好食指數：7.5/10

普羅維登斯精品咖啡

我平時去Starbucks飲咖啡就多，精品咖啡真係第一次飲。聽店主講，佢哋嘅咖啡真係由一啲經過嚴格篩選，好優質嘅咖啡豆所製成。呢杯精品咖啡真係同平時咖啡好唔同，有啲果酸，你可以話有少少苦但唔係澀味。未試過嘅朋友可以試吓，可能你會好鍾意都唔定架。
好食指數：8/10

香蕉朱古力

當香蕉遇上朱古力， 基本上平時去其他地方飲都唔會差得去邊。但呢度嘅香蕉朱古力就一定係好足料，因為味道真係好香濃。會上面中放咗兩塊香蕉同香草。賣相咁靚，真係好值得飲。
好食指數：8.5/10

店主係鋪頭入面嘅裝修擺設都花咗唔少心機，佢特別喺門口嘅隔離放咗一個書架， 暑假上面擺放咗唔同藝術家嘅作品係呢度嘅暑假上面擺放咗唔同藝術家嘅作品係呢度寄賣，呢成間咖啡室更加充滿藝術氣息，文青們食完嘢，飲完咖啡仲可以買下藝術品。


呢隻貓叫阿妹，係店主係開業初期執返黎養，依家佢已經變成呢度嘅鎮店之寶，人人嚟到呢間Cafe都要同佢玩下，佢實在太可愛啦。 不過要留意，佢一同你玩厭咗就會走，即刻唔理你，哈哈。


蜜糖芥茉烤雞沙律＄48
忌廉牛乳三文魚意大利粉＄66
芝士炸蝦Pizza $98
普羅維登斯精品咖啡＄48
香蕉朱古力＄43
是次消費：＄303
地址：長沙灣順寧道65號地舖 （長沙灣A2出口）
付款方式：現金