睇F1賽車兼睇五月天

每年11月，係澳門賽車嘅月份，不論鍾意賽車或者車模嘅朋友都唔會錯過。自2008年起，新加坡成為F1大獎賽嘅其中一站，賽車迷又多個近近地嘅地點睇比賽。而新加坡站最特別就係有夜間賽事，刺激嘅氣氛由日頭延續到夜晚。

今年新加坡站會喺9月19至21號舉行，一如以往，成條賽道有幾個看台，好似Pit看台可以睇到起步同衝線，Turn 1看台就喺S形彎位，可以欣賞車手過彎技巧；Padang看台就係表演主場地，應該係最好玩最熱鬧嘅區域；而Zone 4步行區就可以俾鐘意影賽車嘅拍友隨便揀位隨便影相。

除咗睇賽車之外，新加坡F1仲有好多節目，例如喺Zone 1同Zone 4會有音樂、舞蹈、雜技、魔術等等大型表演，表演團體來自世界各哋，當中更加有天王巨星，例如Jennifer Lopez、John Legend、Pet Shop Boys、Robbie Williams、Ziggy Marley、同埋香港人好鍾意嘅五月天！



星展同太古旅遊做緊Package優惠，4日3夜Package減$100或$200，已經包咗機票、酒店、3日F1賽事門票。另外4日3夜廂房Package再加可以入廂房飲飲食食，就減$500或$1,000，不過呢類Package由$30,000起跳，買得起嘅富貴人家應該唔志在嗰一千幾百。另外星航假期都有新加坡F1 Package，用中銀卡訂Package，單一簽賬每満$5,000或以上，就有3%簽賬獎賞，用銀聯雙幣卡更加有5%，最多回$300。

精打細算嘅朋友可能會諗訂廉航同酒店，再自己買飛入場。如果淨係想睇五月天，可以買星期五Zone 4單日飛 ($68坡幣，大約$420港幣)，想睇埋其他巨星，最平就可以買三日Zone 4走動區套票 ($228坡幣，大約$1,400港幣)。上網訂飛接受AE、Diner、VISA、MasterCard、銀聯，想儲里數可以用渣打WorldMiles卡。