上次講咗市面上嘅止汗香體產品有咩類型,仲比較咗一啲止汗噴霧產品,佢哋都係以鋁鹽(Aluminium Chlorohydrate)去抑制汗水分泌,從而達到某些部位較少汗水嘅效果。到依家為止,止汗劑都係一種每日使用都係安全嘅物品,不過可能會有人依然擔心,會想用一啲天然啲嘅產品,今日就比較吓幾款主打天然嘅止汗香體產品啦!
1. NUXE Body Long Lasting Deodorant
NUXE 呢隻香體劑話任何膚質,甚至係剛剛剃完毛嘅皮膚都可以用。佢係用天然嘅礬以及銀嘅粉末去做到除體臭嘅效果。
礬(Alum)係一種雙硫化物結晶,其實入面都有鋁,不過呢種物質可以喺天然環境下搵到,經常會被製成止汗晶石。而銀(Sliver)有殺菌嘅作用,可以幫助抑制細菌產生嘅氣味,所以唔難見到近排有銀嘅止汗劑都非常熱門。
2. DEONAT香體走珠
DEONAT香體走珠有分為無味同埋蘆薈兩種。佢聲稱不含酒精、Paraben防腐劑同埋鋁鹽Aluminium Chlorohydrate。佢用嘅係Ammonium Alum。如果有用開香水嘅習慣,可以考慮用無味嘅配方,咁就唔怕會影響到香水嘅味道。
DEONAT嘅系列仲有水晶同埋噴霧,不過水晶喺用之前要用水整濕佢先,再搽上個身度,用起上來要做多步,可能就冇咁方便。
3. Melvita 有機24小時淨化香體露
Melvita這支香體露99%係天然成份,亦不含鋁鹽,用嘅係三種淨化精油(薄荷,檀香和百里香)減少細菌,亦加入咗維他命E。
4. LC JAMU Herbal Roll
呢支止汗劑用上9種植物提取物,分別係薰衣草、香茅、鳳仙花葉、綠茶、地榆、忍冬、茵陳蒿、薄荷油及白千層油。用之前要將入面嘅粉末同埋液體搖至混合,等液體乾咗先好着衫呀。
近來各大品牌都推出綠茶嘅產品,綠茶可以話係美容界嘅新寵,佢嘅抽取物有抗氧化、消炎嘅效果,係抵錫嘅。雖然呢款產品主打天然,不過睇番成份係含有Aluminium Chlorohydrate,介意嘅朋友要留意番!
5. Crystal香體水晶
呢個牌子都係好熱門嘅選擇,都係一款標榜冇Aluminium Chlorohydrate嘅產品。同DEONAT嘅水晶一樣,用之前要用水將佢整濕,方便程度打咗折扣。
6. Lafe's
Lafe's係一個美國品牌,佢品牌所有產品都唔包含paraben(防腐劑)、triclosan(抗菌劑)及VOCs(揮發性有機化合物)等等。佢出嘅香體產品非常多元化,有液態,有噴霧,亦有水晶,配方亦都非常多,可以迎合到唔同生活方式嘅需要。
最後同大家總結吓:
由即日至2017年3月14日,客戶憑建行(亞洲)信用卡於網上購物簽賬可享3X積分(包括喺Sasa.com、香港草莓網消費)。