發展商加佣,等於樓市會跌?

發展商加佣,等於樓市會跌?

相關信用卡:

發展商加佣,等於樓市會跌?

發表日期: 2018 年 09 月 07 日 更新日期: 2018 年 09 月 07 日 生活

作者:StillMoney

多個新樓盤傳出發展商加佣促銷,總會有人覺得係樓市下調訊號,但加佣同跌市,兩者之間係咪一定有個等號?又未必喎。當然某啲盤係打緊告急牌啦,但客觀現實係一手樓仍然有升冇跌,貨就黐咗線咁不斷推,價仲有得加,你有冇見過人賣嘢一路喊驚一路加價?少啲囉。

少啲唔代表冇可能,即唔係話個市冇可能跌,但同今次加佣關係唔算大。加佣,本身意義好直接,就係畀多啲動力經紀等佢落加啲推銷。咁通常都係賣得唔好先會咁做,賣得好加畀佢哋做乜?問題係而家打開口牌,一嚟就全世界都知你個盤加佣喇,連加幾多都知,差在未開記招宣佈啫,咁經紀又邊有得賺多啲?係人埋到嚟都揼你啦!其實咪即係變相減價,又郁唔到個平均呎價,仲要減得嗰少少。

匯璽II
匯璽II星期日將開售剩餘貨尾

借啲意減價又係唔係訊號呢?咁就要個別睇。大部分加佣盤都賣剩啲貨尾,例如匯璽II,重推後8日賣咗500伙,剩低72伙貨尾聽日推埋,唔同你慢慢搣,預咗兩房平少少畀人大手入貨,四房平多啲唔使考慮咁耐,快手搞掂立即轉戰線全力谷PARK YOHO Napoli。加佣幅度最高嘅柏傲灣,加4%佣,剩返個位數單位,剛剛仲有嚇死人新成交,826呎3房套單位呎價$29,919,埋單2,471萬!咁樣再加一加佣,分分鐘仲有得破,4%喎,足夠動搖啲十五十六緊嘅客啦。

柏傲灣
柏傲灣加佣幅度最高,由3%加至7%

而且加佣並唔係新鮮事,有時黃金周又加一加,大升市又加一加,等於燒嘢食撥旺啲個火,和味啲咁解。總之,貨尾走得快,唔一定有古怪,少少古惑可能有嘅。講開又講,溫馨提示,買家去揼經紀攞回贈,就算攞咗回佣紙都要打醒十二分精神,簽咗都可以有伏㗎,提咗你喇。

(本文內容純屬撰文者個人意見,並不代表本網立場)
本文內容只反映作者的個人觀點及意見,並非廣告/宣傳資料,沒有促銷有關指明住宅物業的意圖。
本文所載的資料(「有關資料」)在賣方就發展項目指定的互聯網網站及/或一手住宅物業銷售資訊網及/或傳媒及/或實地視察等途徑取得,其準確性及真實性以官方紀錄為準,本文無法就有關資料內容的準確性及/或真實性作岀任何承諾及保證,亦不會就此向任何因使用或倚賴有關資料而蒙受任何損失或損害的人士負上任何責任。
本文在籌備有關資料時,雖已作出合理謹慎措施,但有關資料只供參考,本文不會就有關資料之完整性、準確性、及時性及可靠性,或有關資料適合某特定用途,作出任何形式的要約、承諾、陳述或保證(不論是明示或隱含的),亦不保證有關資料與賣方就發展項目指定的互聯網網站及/或一手住宅物業銷售資訊網同步更新內容,讀者需自行向賣方/發展商/一手住宅物業銷售監管局查證以取得最新資料。
準買家如欲了解發展項目的詳情,請參閱售樓說明書。本文亦建議準買家到有關發展地盤作實地考察,以對該發展地盤、其周邊地區環境及附近的公共設施有較佳了解。
置業涉及風險,物業價格可升亦可跌,甚至變成遠低於預期。準買家在作出任何置業決定前,應仔細了解及衡量個人與家庭的財務及就業狀況、利率與匯率及市場資金變動、地契續約、香港與中國及環球經濟和就業前景等各項因素。