男神都救唔到大家樂(0341)

男神都救唔到大家樂(0341)

相關信用卡:

男神都救唔到大家樂(0341)

發表日期: 2016 年 06 月 23 日 更新日期: 2016 年 06 月 23 日 生活

作者:高俊權 (高sir)

<高sir隨筆>:距離英國公投只有一天時間, 如果仍落大大篇幅, 去分析假如英國脫歐「點點點」, 英國留歐又「乜乜乜」, 實在有呃稿之嫌! 其實公投前怎樣分析都冇用,縱使搬出幾有見解的理由, 或幾咁實在的後果都好, 公投後自有分曉, 引用足球場上一句術語, 「波係圓既」, 結果係點難以分析, 一切該待結果後才再重新看清形勢, 從而再作部署.

近日, 多家本地知名食肆公布業績, 當中; 包括大家熟識的大家樂(0341), 全年賺少接近一成, 績後大家樂的股價仍可保持平穩, 全因以增加派息去留住股東的心! 但筆者對集團未來的前景就唔多樂觀, 集團在上一年港業務雖能保持平穩發展, 但時至今天, 本地青年對其支持度就唔多樂觀! 另; 是次主要蝕幅來自內地的業務的擴展, 未能達致理想的盈利回報, 簡單講即係香港賺錢但大陸果邊蝕~

嗱! 呢一點就令筆者好鬼擔心!本來大家樂係一間打正旗號的本土連鎖快餐點之一, 我細細個就聽見呢個名, 但近年大家樂係香港市場停滯不前, 簡單在網上搜索一下, 批評食物質素的文章, 在各大青年滙聚的討論區累見不鮮! 其次, 食品售價卻一直只加不減, 加上多次爆出集團對員工苛刻的新聞, 集團的形象已大打折扣! 並早已失去本土年市場的!

或許有見及此, 大家樂的「關公」早已力挽狂難, 高價請來本土男神「黃子華」賣行廣告, 企圖以溫情廣告再以男神魅力, 挽回年輕人的心, 卻結果令筆者感到意外, 黃子華因為廣告仍然獲得一致好評, 但好評的只限於男神, 集團更因此已被評拖累男神的反效果!

筆者用以上咁大篇幅去寫大家樂, 並沒有針對成分, 筆者仍間有支持其「一哥焗豬飯」, 筆者想帶出, 過往幾年, 不少知名的品牌和企業, 把業務太著眼於內地, 而放棄了一直穩定的本土市場, 原本, 在本土深入民心的食肆, 零售品牌等, 一直得到本地市民的支持和愛戴, 是長期累積而成的珍貴原動力! 可惜, 不少集團品牌親手打破這些所謂「本土」的形象而欲外闖, 或許; 是嫌棄香港市場相對較細的規模, 或抵受不住內地巨大的潛力罷!? 但無可否應, 失去本土的支持, 對外擴張又未必一定理想, 結果弄得「兩頭唔到的岸」的公司比比皆是. 受害的最終仍是企業本身.

同樣情況, 發生於不少我們看似很熟悉…例如: 除了上文中的大家樂(341), 還有電視廣播(0511), 翠華(1314), 星島(1105)等等, 曾幾何時, 返屋企睇電視, 落翠華嘆番個奶油豬, 這些昔日熟識的名字, 今天感覺卻有點陌生, 企業最終能否如願打入內地市場, 得到巨大利益仍未知道, 但可以肯定的是, 失去本地年青市場的支持, 日後要走下去, 男神都幫你唔到~