今年有銀行推出咗主打現金回贈嘅新信用卡，如果唔想賺里數，想賺現金回贈嘅話，應該出咩卡好？今次精選咗3張信月卡作比較，包括渣打Simply Cash Visa卡、Citi Cash Back Visa信用卡同DBS Eminent Visa Signature Card。
1.簽賬回贈
港幣簽賬嘅話，渣打Simply Cash Visa嘅回贈較為著數，一般簽賬有1.5%回贈。
雖然Citi Cash Back Visa同DBS Eminent Visa Signature Card基本回贈只有1%，但指定類別簽賬有更多回贈，Citi Cash Back Visa喺本地食肆及酒店簽賬有2%回贈，而DBS Eminent Visa Signature Card喺本地食肆簽賬有3%。
外幣簽賬方面，呢3張信用卡都係2%回贈。
2.回贈方式
呢三張卡回贈嘅方式都有唔同，唔一定係自動存入賬戶。
DBS Eminent Visa Signature卡簽賬後會賺到DBS$，可以揀「現金回贈計劃」或「DBS$自選換領計劃」，揀咗「現金回贈計劃」後每DBS$1等於$1回贈，會直接扣賬。
Citi Cash Back Visa信用卡簽賬賺到嘅回贈雖然可以直接抵銷簽賬額，但需要累積回贈滿$200先會存入賬戶。
渣打Simply Cash Back Visa卡累積嘅回贈要透過「360°全面賞」網上平台兌換成現金，然後再存入賬戶，而且每次最低兌換金額係$50。
3.迎新優惠
呢三張信用卡嘅迎新優惠都係簽賬賺回贈，當中以渣打Simply Cash Back Visa回贈率最高。
全新客戶申請渣打Simply Cash Back Visa卡會有100%回贈，上限係$1,000，即係首2個月內簽$1,000回$1,000。
Citi Cash Back Visa信用卡全新客戶迎新優惠有10%回贈，申請時可以揀回贈上限係$500或$1,500。如果揀咗回贈上限為$500嘅話，需要喺首兩個月簽滿$5,000，而揀$1,500就要兩個月內簽滿$15,000。
DBS Eminent Visa Signature Card嘅迎新優惠會有8%回贈，不過全新客戶同現有客戶嘅上限有分別。全新客戶喺首2個月內下載DBS Omni手機App，登記並確認戶口後上限係$600，大概簽$7,500就賺到盡。而現有客戶上限係$200，即係首2個月內要簽滿$2,500。
| 信用卡 | 港幣簽賬 回贈比率 | 外幣簽賬 回贈比率 | 迎新優惠 回贈比率 |
| 渣打Simply Cash Back Visa卡 | 1.5% | 2% | 100% (上限: $1,000) |
| Citi Cash Back Visa 信用卡 | 2% （食肆、 酒店簽賬) 1.% (其他簽賬) | 2% | 10% (上限: $500或 $1,500) |
| DBS Eminent Visa Signature Card | 3% (食肆簽賬) 1% (其他失賬) | 2% | 8% (全新客戶 上限:$600) (現有客戶 上限:$200) |
不過溫馨提示，如有爭議，一切以銀行最終決定為準。
渣打Simply Cash Visa卡詳情：https://www.hongkongcard.com/welcome-offers/scb-simplycash-visa
Citi Cash Back Visa詳情：https://www.hongkongcard.com/welcome-offers/citi-cashback-visa
DBS Eminent Visa Signature Card詳情：https://www.hongkongcard.com/welcome-offers/dbs-eminent-visa-signature