猴年開波, 睇好呢隻股追落後

<高sir隨筆> : 話咁快就黎到猴年, 執筆時, 距離農歷新年只餘一週, 中國人計節氣,傳統上過立春, 就係另一年的開始, 今年立春於2月4日, 合指一算, 即係仲有2日送走隻慘情羊, 迎接猴年了.
 

 

 

羊年香港有幾唔掂? 大家心中有數, 股市20000點不保, 樓市更加下行, 劈盤潮出現, 零售市道不景, 商鋪係銅鑼灣, 尖沙咀, 中環相繼倒下, 匯豐更加雪上加霜, 方死唔死咁話今年冇得加人工, 玩凍薪!

呢個年頭, 無論你係玩開股票, 做緊業主, 受萬人敬仰的老闆, 定最安份守紀的員工, 都一樣感到灰沉, 香港經過幾年因為內地自由行而催谷過熱的經濟後, 在環球金融市場因量化寬鬆的藥力失效下, 開始回到現實水平, 「原來」我們一直只是透知未來的信用額, 真正市民能夠負擔的樓價, 「原來」是1萬蚊呎以下, 原來, 恒指應該為20000點水平, 猴年看來回到現實, 但在羊年風雨過後, 由於市場已由亢奮階段, 轉向清醒時分, 故; 反而猴年初有利市場修復弱勢.

「高sir」寫開股票, 借今期專欄, 同大家分析一下隻金蝶(0268), 金蝶(0268)呢隻股由上年高位成$6.4跌落黎, 而家跌到$2.49見底, 股價似還原基本步, 回到起跑線再上路, 本身其金蝶做開雲業務, 正是食正內地推科網條水, 拍住內地幾間大野提供雲端服務, 資金源源不絶流入, 大陸正以科技創新行頭的大打旗號, 計數上, 股價要反彈機會大過再度急跌.

現價去睇, 其股價已貼近52週低位, 當日恒指單日跌2000點, 其股價也能力守此水平後反彈見4蚊, 現價才$2.5左右, 水平過低, 且相對數年前, 金蝶業務已有理想發展, 股價只是受大市急速跌穿20000點而回吐, 估計猴年過後, 大市有機會初步回穩, 金蝶(0268)要升番上$3難度不大, 要唔要炒佢一轉, 賺個新年錢? 自己諗!

*筆者撰文時, 並沒有持有以上股份
**本文不構成任何個別股份買賣或投資建議。