父親節－沉默的男人

前排篇公屋潮文，相信大家都feel到香港地住公屋、居屋、私樓原來會有咁大差別，老實講，睇落去好似浮誇，但諗深一層，又好鬼寫實，至少小弟就係入面果個公屋仔，而後續果篇世伯嘅獨白，又令人諗返起自己嘅老豆，同樣地，父親在家中往往擔當著沉默的角色，默默地付出，粒聲唔出咁撐起成頭家，亦因為咁，屋企從來都無慶祝父親節嘅習慣。

直至睇到潮文入面嘅世伯，先發覺到自己平時同老豆都無咩兩句，根本唔了解佢，可能學潮文入面個世伯話齋：「到左呢個年紀，仲駛人明白我咩？」，但係再望真啲，唔覺唔覺，自己老豆頭上面又多左啲白頭髮，臉上面又幾時開始多左咁多皺紋，明明印象中嘅老豆都幾高大架，點解而家好似縮左水咁。

坦白講，做左咁多年不孝子，都係時候請老豆食返餐，做返一日孝子都好，老豆就鍾意食中菜嘅，父親節果日一於朝早帶老豆去荃灣川龍行一山，順便試下端記嘅鵪鶉蛋燒賣，夜晚就踩入元朗試下大榮華嘅豬油撈飯，再唔係就去屯門藍地季季紅，試下佢個燒乳豬都唔錯，於6月14日至15日期間，憑東亞銀行信用卡於全港食肆簽賬可享9X獎分〈全港食肆單一簽賬滿 HK$500〉(詳情按此) 。