炒央企的啟示

星期一有內地傳媒報道，國資委將進行新一輪央企重組，石化雙雄會有整合，消息一出自然炒到飛起，不過國資委當晚否認油氣業重組。雖然空歡喜一場，但當中會否有炒央企的啟示呢？

「國企」大家比較常見，但咩叫「央企」呢？「國企」嘅國際標準是國營事業，比如「台灣糖業公司」。內地「國有企業」是指全部資產為國家獨資擁有(理論上是全民擁有)的企業，人事、規則、制度都由政府決定。而「央企」基本上也是「國企」，不過故名思義，「中央企業」由國務院國有資產監督管理委員會(國資委)直接管理。

國資委2003年成立，一開始管理196家「央企」，經過十一年整合，去年尾減少至112家，可見「央企」整合從來未停止。另一方面內地實體經濟表現疲弱，第一季經濟增長主要靠股市撐住，單是南北車合併已經帶動不少，你估短期內會唔會仲有？而且除了炒整合，來港上市也是吸水救國途徑，中糧集團就是好例子。加上習總極力推動「一帶一路」，意圖將中國企業帶出去，不少行業中的央企多年來形成惡性競爭(南北車為搶單不斷壓價，令利潤減少，即是國家損失)，重組除了達至更佳效益外，規模也能與國際對手較量。

所以即使今次石化雙雄未真正重組，不代表中短期內不會，而且國資委下面有112家央企，大把選擇，記住炒內地股法則：「球證、旁證、足協、足總、足委都係佢嘅人」。再者炒真正重組得，炒重組消息亦得，可以肯定的是消息陸續有來，有閒錢可以放落去，一開車就摸唔到頂。