澳門.巴黎人酒店之旅

澳門.巴黎人酒店之旅

相關信用卡:

澳門.巴黎人酒店之旅

發表日期: 2016 年 11 月 16 日 更新日期: 2016 年 11 月 16 日 旅遊

作者:Stella Yeung

澳門又有新景點啦!就係威尼斯人旁邊嘅「澳門巴黎人」啦!酒店約有3000個房間,係酒店嘅前面仲有巴黎鐵塔添,聽講佢地係依照巴黎埃菲爾鐵塔1比2比例建造,酒店入面仲有好多唔同嘅設施。聽落真係好吸引呀,所以我就約埋我嘅好姊妹沙律一齊去澳門嘅巴黎人做返個「法國妹」啦!

因為聽說巴黎人酒店有好多嘢玩,所以我地決定去3日2夜,好好地放個靚假休息一下啦!不如睇下我地今次3日2夜嘅澳門之旅玩咗啲咩啦!

第一站 - Check in 澳門巴黎人酒店

澳門一般酒店都係2點鐘check in,但如果大家好多行季都可以放係lobby有存放行服務,講底自已check in名,酒店就會幫你送上房間㗎啦!

20161017_macauparis.00_00_41_09.Still001.jpg
▲因為酒店外圍好靚,所以我同沙律1點左右就去咗酒店外圍影下相


▲目的地就係影依個1比2嘅巴黎鐵塔啦!實物真係好靚㗎!


而酒店門口都好有外國嘅感覺


▲入到酒店右手邊就係check in的地方,裝修超豪華!


▲房間同床都超大,酒店窗景就會見到巴黎人嘅鐵塔添!

第二站 -巴黎人水世界

巴黎人酒店其中一個賣點就係水上世界,有架巨型海盜船㗎,雖然水上樂園佔地唔算大但勝在夠新,而且唔係酒店住客都可以入黎玩㗎!除咗巨型海盜船之外仲有條12米高嘅透明滑梯,大人都一樣啱玩!

所以我地check in完酒店換好衫就落咗去玩水世界啦!順便玩下水上樂園同游下水曬下太陽,可以過一個悠閒嘅下午!


▲巨型海盜船仲有比小朋友玩嘅滑梯


▲海盜船上面仲有好多機關,如果同一大班朋友玩一定超開心!


▲巴黎人水世界最大嘅賣點就係依個12米高嘅透明滑梯,真係可以媲美泰國嘅水上樂園呀!


▲我就派咗沙律玩依條滑梯!沙律話:滑梯真係幾高,如果無著Tee係外面減輕咗衫同滑梯嘅磨擦嘅話條滑梯真係會好快!如果大家想剌激啲嘅話,記得唔好著Tee呀!

第三站 -THRILLER LIVE Show

THRILLER LIVE係紀念全球流行巨星Michael Jackson嘅音樂劇,有好多表演者演繹好多Michael Jackson嘅大熱作品同招牌舞蹈,仲有專人扮Michael Jackson,裝扮同化妝都扮得超似,所有表演者都超唱得跳得,有啲歌者仲係參加過 <<英國好聲音>>同英國嘅<<超級巨星>>,所以只係聽歌都真係值回票價,到表演嘅尾聲,現場氣氛超興奮全場觀眾都起身跳舞,完全打破晒我對舞台劇嘅印象呀!

不過如果想睇依個Live Show就要係2016年11月13日前睇啦,因為佢地係一個限定Show,現今佢地已經踏足30幾個國家表演,演出過超過5000場,所以今次近近地澳門有演出而大家唔想錯過,真係可以為呢個Live Show而來,因為真係完完全全值回票價!


▲劇場可以坐到1200位觀眾,現場真係好熱鬧,好多人都同海報影相,所以我地兩個都唔例外啦,哈哈!

現場唔可以錄影同影相,所以睇住啲官方相片先 :

第四站 - 威尼斯人澳門高爾夫球公開賽

咁大個女都未睇過高爾夫球嘅比賽,所以知道當日有公開賽睇我同沙律就決定去睇下啦,聽講仲會有個靚仔球手表演添呀,聽到有靚仔點可以少咗我地呢?haha
原來澳門威尼斯人係2012年開始已經連續5年冠名贊助,唔怪之得威尼斯人有免費接駁巴士咁方便,正呀!


▲場地係澳門高爾夫球鄉村俱樂部


▲今次賽事有144名選手,場地仲有地方比選手熱身!



▲依位就係表演賽手 - 加拿大嘅 Jamie Sadlowski 薩德洛夫斯基



▲最精彩表演之一就係用高爾夫球打爆一塊木板,佢嘅力量真係令到我地完全震驚呀!



▲更精彩就係用同樣方法打爆一個大西瓜,現場真係超震撼!打完西瓜碎飛到周圍都係!好精彩呀!

最後一站 -男人幫演唱會2016澳門站

我地澳門活動嘅最後一站就係睇男人幫演唱會啦,男人幫我最鍾意就係小齊,哈哈!其實今次係我第二次去澳門睇演唱會,氣氛完全唔差過香港嘅紅館!

我地3日2夜嘅澳門渡假之旅就分享到呢度啦!其實個人覺得巴黎人酒店真係好值得一去,鐵塔影相一流,加上有個超精彩嘅THRILLER LIVE Show,真係令我地今次澳門之旅增色不少呀!大家下次去澳門不妨考慮試下依家最新嘅澳門巴黎人酒店,推介!