【潮玩觀塘工廈】祖琪帶你玩 之 觀塘室內平衡車

【潮玩觀塘工廈】祖琪帶你玩 之 觀塘室內平衡車

相關信用卡:

【潮玩觀塘工廈】祖琪帶你玩 之 觀塘室內平衡車

發表日期: 2016 年 05 月 19 日 更新日期: 2016 年 05 月 19 日 購物

作者:AIYA_JOE


祖同琪除咗鐘意去飲飲食食,其實仲好喜歡去玩,特別係鐘意帶大家周圍去玩試新嘢,今次我地兩個就帶你哋去觀塘工廈呢間開業唔夠一個月嘅體驗館,同大家試玩平衡車。之前睇Iron Man見到Robert Downey Jr. 成日可以揸住呢部車走來走去,已經覺得好型好想試,今次一定要玩返夠本,試吓呢款未來世界嘅代步工具。


同踩單車、滑板呢類運動一樣,一定要做好安全措施,所以玩之前一定要戴好裝備。原來都幾多裝備㗎,雖然場地嘅跑道好平滑,就算跌倒危險性都唔大,不過為咗安全著想,我地都要戴頭盔、護踭、護膝同護腕。唔識戴唔緊要,因為有專人教導。


戴好裝備之後係咪就玩得呢?梗係未啦!因為最重要嘅嘢都未做,就係揀~戰~車~啦,門口位擺左好多部平衡車任你揀,唔同款唔同色。總共有三種唔同級數嘅車,包括入門級,中級同高手級。我同琪就試左入門級先,費事係大家面前出醜啦~哈哈~~入門級個車轆比較大,反應無咁敏感,就算係第一次都幾容易上手。


真係要一讚嘅係,鋪頭負責人真係好細心,好有耐性咁教客人點玩,我地學咗差唔多十分鐘已經玩得幾好,之後仲試玩埋高手級平衡車,連高手級都難唔到我哋。阿琪仲差啲比靚仔負責人電暈,哈哈~~
中心佔地超過5,000呎,雖然係室內跑道,但係呢條跑道一啲都唔求其㗎, 負責人話跑道嘅地下用咗防滑油,令玩家玩嘅時候唔會咁易跣親。而且呢條跑道有幾個彎位同障礙賽,啱晒鍾意挑戰難度嘅玩家。


我同阿琪為咗加強刺激感,一齊玩計時賽,睇下邊個快啲, 想知道賽果,記得click入嚟我哋條片睇下啦。
提提你哋,宜家有個四月生日優惠,咁啱琪都係四月生日,只要Show一Show身份證,LIKE 佢地個Facebook Page同打卡,就可以免費試玩半小時。
而試業期間亦可享優惠價 (半小時為一節 )

價目表:
7" Path Finder:  69元/節(半小時為一節 )
8" Grandee:      75元/節(半小時為一節 )
10" Ergoracing: 79元/節(半小時為一節 )
7" Hovercloud:  85元/節(半小時為一節 )

是次消費
7" Path Finder:  69元/半小時 X2 +
30元(加時優惠)/半小時 X2
(琪四月生日優惠免費試玩半小時)
總數:$168

消費方式:現金
Azzita室內平衡車體驗中心
觀塘開源道77號業發工業大廈一期3樓A室