溫馨過聖誕 糖廠街白色聖誕市集

又到聖誕～又到聖誕～ 太古地產節慶活動「白色聖誕市集」今年再度回歸！連續三日既聖誕市集即日起在太古坊糖廠街舉行，市集既收益會撥捐年度慈善籌款活動「愛心聖誕大行動」。聖誕除左同最親既人開心渡過之外，仲可以參與慈善，將呢份愛同溫暖傳開去，可以話係一舉兩得。

今年既聖誕市集有得買，有得玩，有得食，最適合我呢啲又手痕又嘴痕既小朋友，哈哈！

• 一去到就已經好熱鬧好多人！有唔少人邊食野，邊睇表演，氣氛warm爆！

• 當中要說最突出既當然就係呢個全港首個戶外擲雪球場地，每人只需捐30蚊，就可以同朋友大戰一番！雪場用既雪仲係環保物料添！

• 市集仲有各式各樣既聖誕精品，例如有聖誕公仔既筆，襪仔形狀既袋等等，如果你仲未揀定聖誕禮物，黎呢度就對啦！

『 DIY聖誕禮物 』

而為左配合今年既主題，「Homemade Happiness」，市集都會有唔同既創意工作坊比大家DIY聖誕禮物，無論係送比屋企人，愛人定朋友，都盡顯心思啊！

• 繪製木製聖誕裝飾品工作坊（＄60），吊係屋企當裝飾好可愛呀！

• 聖誕水晶球工作坊（＄60），製作過程非常簡單，只要選擇自己鍾意既木板形狀，之後填色，再擺落水晶球入面，最後裝飾下個水晶球就搞掂啦！送俾朋友又得，自己留念又得，得左！

• 市集每日亦都會有唔同既表演，例如今日就有樂隊唱歌同埋舞者既睡衣舞表演，青春活潑，夠曬熱血！如果你地都想黎感受下氣氛，就要捉緊時間去啦，市集至到 3/12咋！

 

白色聖誕市集

日期：12月1-3日

地點：太古坊糖廠街

時間：12nn-6pm （12月1 日）

           12nn- 8pm （12月2日）

           1pm- 7pm （12月3日）